08:52, 25 - قىركۇيەك 2016 | GMT +5
بۇگىن قازاقستاندا ەڭبەك كۇنىن اتاپ وتەدى
استانا. قازاقپارات - بۇگىن قازاقستاندا ەڭبەك كۇنىن اتاپ وتەدى. 2013 -جىلى 22 - قاراشادا ەلباسىنىڭ جارلىعىمەن قىركۇيەك ايىنىڭ سوڭعى جەكسەنبىسى - ەڭبەك كۇنى بولىپ جاريالانعانى بەلگىلى.
بۇل مەيرام مەملەكەت باسشىسىنىڭ جالپىعا ورتاق ەڭبەك قوعامىن قۇرۋ تاپسىرماسى اياسىندا ەڭبەك ادامىنىڭ قوعامداعى مارتەبەسىن ارتتىرۋ، وندىرىستىك قىزمەتكەرلەردى ىنتالاندىرۋ، جۇمىسشى ماماندىقتارىن ناسيحاتتاۋ ارقىلى جاستاردىڭ جۇمىسشى كاسىبىنە دەگەن قىزىعۋشىلىعىن وياتۋدى كوزدەيدى. كوپجىلدىق ەڭبەك داستۇرلەرىن ساقتاپ، نىعايتۋ ماقساتىندا ءوز ءىسىنىڭ ناعىز مامانى بولعان، قاراپايىم جۇمىسشىلىقتى وتباسىلىق كاسىپكە اينالدىرعان ەڭبەك مايتالماندارىن ۇلىقتاۋ دا وسى كۇنى جۇزەگە اسىرىلادى.
بۇل كۇنگە ارنالعان مەرەكەلىك شارالار قازاقستاننىڭ بارلىق وبلىستارىندا، استانا، الماتى قالالارىندا وتكىزىلەدى.
