قاراعاندىدا بوس ورىندار جارمەڭكەسى قۇس ۇشار بيىكتەن ءتۇسىرىلدى - فوتو

قاراعاندى. قازاقپارات - قاراعاندىدا ەڭبەك كۇنى قارساڭىندا اشىق اسپان استىندا بوس ورىندار جارمەڭكەسى ۇيىمداستىرىلدى.

جاعالاۋداعى ورتالىق مادەنيەت جانە دەمالىس ساياباعىندا جۇمىس ورنىن ۇسىنعان ستەندتەر ورنالاستىرىلدى، جۇمىس بەرۋشىلەر شاقىرىلدى. شاتىرلاردا جۇمىسپەن قامتۋ ورتالىعىنىڭ ماماندارى «جۇمىسپەن قامتۋ جول كارتاسى-2020» باعدارلاماسى بويىنشا كەڭەس بەرىلدى. وتكەن- كەتكەن ادامدارعا جۇمىسقا ورنالاستىرۋ مۇمكىندىكتەرى جايلى اقپاراتتىق جادىنامالار ۇلەستىرىلدى.

ۇيىمداستىرۋشىلار كۆادروكوپتەردەن ۆيدەوتۇسىرىلىمگە تاپسىرىس بەردى.

ۇيىمداستىرۋشىلاردىڭ مالىمەتتەرىنە سايكەس ستەندتەردە قالانىڭ 189 كاسىپورنى مەن ۇيىمدارىنان 1000 عا جۋىق بوس ورىن ۇسىنىلدى. جارمەڭكەگە 60 قا جۋىق جۇمىس بەرۋشى قاتىستى. ونىڭ ىشىندە ينجەنەرلەر، دارىگەرلەر، ۇستازدار قاجەت. ەڭ كوپ سۇرانىس - ەلەكتر گاز دانەكەرلەرۋشى، ەلەكتر جوندەۋشى، ۇستا، جونۋشى، اۆتوكران ءماشينيسى جانە ت. ب. بار، مادەني مەكەمە حورمەيستەر ىزدەۋدە.

«جارمەڭكەگە 816 ادام كەلدى، ولاردىڭ 84 ى جۇمىسقا ورنالاسۋعا جولداما الدى. 289 ى تۇيىندەمە قالدىردى. 116 سى «جۇمىسپەن قامتۋ جول كارتاسى» باعدارلاماسى بويىنشا كەڭەس الدى»، - دەگەن قورىتىندى شىعاردى ورتالىق.

ۇيىمداستىرۋشىلاردىڭ اقپاراتىنا سايكەس شارتتى تۇردە سوتتالعان، باس بوستاندىعىنان ايىرۋ ورنىنان بوساپ شىققان 23 ادام جۇمىسقا جولداما الدى.