قوڭىر كۇزدى قالاي وتكىزەمىز؟
تازا اۋادا سەرۋەندەۋ
باۋ- باقشا، ساياباق، كوشەدە جاياۋ ءجۇرىڭىز. تاۋ ەتەگىنە بارىپ، تازا اۋامەن تىنىستاڭىز. سارعايعان جاپىراقتاردى جيناستىرىپ، بولمەڭىزدى بەزەندىرىڭىز. سونىمەن قاتار، جاپىراقتارمەن ەكيبانا، اپپليكاتسيا جاساپ كورىڭىز.
كينو قاراۋ
اۋا- رايى سالقىنداپ، جاۋىن- شاشىندى كۇندەرى جىلى كورپەگە ورانىپ، ىستىق كاكاودان ءدام تاتىپ، كينو تاماشالاڭىز. اسىرەسە، مەلودراما جانرىندا تۇسىرىلگەن فيلمدەردى قاراۋعا كەڭەس بەرەمىز.
كىتاپ وقۋ
كىتاپ سورەسىنە نازار اۋدارىڭىز. سۇيىكتى جازۋشىلارىڭىزدىڭ كىتاپتارىنا كوز جۇگىرتىڭىز. بالكىم، ءسىز وقىماعان كىتاپتار دا بار شىعار. ولاردى دا كورىڭىز. كىتاپتاردى ۇيدە عانا ەمەس، تازا اۋا اياسىندا دا وقۋعا بولاتىنىن ەستەن شىعارماڭىز.
سۋرەتكە ءتۇسۋ
بۇل مەزگىلدە اينالا قىزىل، سارى، قوڭىر تۇستەرگە بويالادى. تابيعاتتىڭ تاماشا تارتۋىن نازاردان تىس قالدىرماي، قولىڭىزعا فوتواپپارات الىپ، سۋرەتكە ءتۇسىرىڭىز. جىلى جاققا ۇشىپ بارا جاتقان كوكتەگى قۇستاردى، قىسقا ازىق جيناعان تيىندەردى، بۇتاقتان سارعايىپ ءتۇسىپ بارا جاتقان جاپىراقتاردى ت. ب. سۋرەتكە تارتا بەرىڭىز. دوس- جاراندار مەن قۇربى- قۇرداستارىڭىزدىڭ جادىراعان بەينەسى ەستەلىك بولسىن دەسەڭىز، ولاردى دا سۋرەتكە ءتۇسىرىپ الۋدى ۇمىتپاڭىز.
حات جازىڭىز
قولىڭىزعا قالام مەن قاعاز الىپ، وزىڭىزگە ءوزىڭىز حات جازىڭىز. حاتىڭىزعا بار ويىڭىزدى ءتۇسىرىڭىز. وتكەن كۇندەردى ەسكە الىپ، ءوز- وزىڭىزگە ەسەپ بەرىڭىز. العا قويعان جوسپار- ماقساتتارىڭىزدى تىزبەكتەپ جازىپ شىعىڭىز. اسا ماڭىزدى دەگەندەردىڭ استىن سىزىپ، ولاردى مىندەتتى تۇردە جۇزەگە اسىرامىن دەپ سەرت بەرىڭىز.
شىعارماشىلىقپەن اينالىسىڭىز
مۋزىكا تىڭداپ، تەاتر قويىلىمدارىن تاماشالاڭىز. قولونەردىڭ بىرنەشە تۇرىمەن اينالىسىڭىز. سۋرەت سالىپ، كەستە تىگىپ، توقىما توقىڭىز. بار ويىڭىزدى جيناقتاپ، ولەڭ- اڭگىمە نەمەسە بلوگ جازىڭىز.
ارينە، كۇزدىڭ قوڭىر كۇندەرىن ءارقيلى وتكىزۋگە بولادى. ايتكەنمەن، اتقارىلار ىستەر ءسىزدى كۇزدىڭ كوڭىلسىز كۇندەرىنەن ساقتاۋى ءتيىس. ال ەڭ باستىسى، ولار الداعى كۇندەرى كادەڭىزگە جارايتىنىن ەستەن شىعارماڭىز.
massaget.kz
