جامبىلدىقتار رەكوردتىق استىق باستىردى

استانا. قازاقپارات - بيىل جامبىل وبلىسىنىڭ ديقاندارى تاۋەلسىزدىك جىلدارى ىشىندەگى رەكوردىق استىق باستىردى.

بۇل تۋرالى جامبىل وبلىسى اكىمدىگىنىڭ اۋىل شارۋاشىلىعى باسقارماسىنىڭ باسشىسى نۇرجان نۇرجىگىتوۆ ءمالىم ەتتى.

بيىل جامبىل وبلىسىنىڭ اۋىل شارۋاشىلىعى تاۋارىن وندىرۋشىلەرى ءۇشىن وتە قولايلى جىل بولدى. كۇزگى جۇمىستار دەر ۋاقىتىندا جۇرگىزىلىپ، مول ءونىم الىندى. ايتا كەتەرلىگى، تاۋەلسىزدىگىمىزدىڭ 25 جىلدىعى ىشىندە العاش رەت ەڭ جوعارى كورسەتكىشكە قول جەتكىزىپ وتىرمىز. ماسەلەن، 250 مىڭ گەكتار ماساقتى ءداندى- داقىلداردان 592 مىڭ توننا استىق باستىرىلدى. مۇنداي 25 جىل ىشىندە بولماعان ەدى. مۇنان بولەك، كارتوپ، كوكونىس، باقشا داقىلدارى جاقسى ءونىم بەردى.

سونىمەن قاتار ول جامبىل وبلىسىنىڭ تاۋار وندىرۋشىلەر ەلوردادا وتكىزىپ جاتقان جارمەڭكەگە قۇنى 220 ملن. تەڭگەدەن اساتىن 250 مىڭ توننا ءونىم اكەلگەندىگىن اتاپ ءوتتى.

«ءبىز استانا قالاسىنىڭ اۋىل شارۋاشىلىعى باسقارماسىمەن بىرلەسىپ، باعاعا مونيتورينگ جۇرگىزدىك. سونىڭ نەگىزىندە ءوز تاۋارلارىمىزدى 8 دەن 40 پايىزعا دەيىن تومەن اكەپ وتىرمىز. دەمەك، ەلوردالىقتار الداعى قىس ايلارىنا جەتكىلىكتى قور جيناپ الادى دەپ ويلايمىز»، - دەدى ن. نۇرجانوۆ.