09:02, 24 - قىركۇيەك 2016 | GMT +5
اتىراۋدا سوتتا اناسى بالالارىنىڭ تۋۋ فاكتىسىن دالەلدەدى
اتىراۋ. قازاقپارات - اتىراۋدا قالالىق سوت ايەلدىڭ بالالارىنىڭ تۋۋىن زاڭدى راستاۋ تۋرالى تالابىن قاناعاتتاندىردى.
«سوتتا شاعىممەن جۇگىنگەن ايەلدىڭ ەر اداممەن ازاماتتىق نەكەدە (زاڭدا تىركەلمەگەن نەكە) تۇرىپ جاتقانى انىقتالدى. ولاردىڭ ءۇش كامەلەتتىك جاسقا تولماعان بالالارى بار. بالالاردىڭ بارلىعىن ۇيدە بوسانعان. سەبەبى ونى قۇجاتتارى مەن تۇراقتى تۇراتىن ورنى بولماعانىن جەلەۋ ەتىپ، اۋرۋحاناعا قابىلداماعان. 2015 -جىلعى جەلتوقساندا ۇيلەرى ورتەنىپ كەتىپ، ولاردى داعدارىس ورتالىعىنا ورنالاستىرادى. ول جەردە شاعىمدانۋشىنىڭ بالالارىنىڭ قۇجاتى جوقتىعى ءۇشىن تىركەۋدەن باس تارتقان. سوت شاعىمدانۋشىنىڭ ءوز بالالارى ەكەنىنە كەلتىرگەن جەتكىلىكتى دالەلدەرىن ەسكەرىپ، بالالاردىڭ تۋعانىن زاڭدى راستاۋ تۋرالى ءوتىنىشىن قاناعاتتاندىرۋ تۋرالى شەشىم شىعاردى»، - دەپ حابارلادى اتىراۋ وبلىستىق سوتىنىڭ باسپا ءسوز قىزمەتى.
