08:44, 24 - قىركۇيەك 2016 | GMT +5
بريتانيادا ايەل ىزالى شاعالالاردان قورقىپ، ۇيىنەن ءۇش كۇن بويى شىعا المادى
استانا. قازاقپارات - بريتاندىق برايتون- ەند- حوۆ قالاسىنىڭ تۇرعىنى شاعالالاردىڭ شابۋىلداۋىنان قورقىپ، ءۇش كۇن بويى ۇيىنەن شىعا الماعان.
اۋلادا كىر جايىپ جاتقان باربارا كوكسقا (Barbara Cox) ەكى قۇس شابۋىلداعان. شاعالانىڭ ءبىرى زارداپ شەگۋشىنىڭ اياعىنا جارماسقان. قورىققان ايەل ۇيىنە قاشىپ كىرىپ، پوليتسياعا قوڭىراۋ شالعان. شاعالالاردىڭ شابۋىلداعانىن، ولاردى ۇستاۋىن وتىنگەن، الايدا پوليتسەيلەر بۇعان اقشا بولىنبەگەنىن جەلەۋ ەتىپ كەلمەگەن، دەپ حابارلايدى lenta.ru.
كوكس ءۇش كۇننەن كەيىن اياعىن قاراتۋ ءۇشىن اۋرۋحاناعا بارعان. ايتۋىنشا، ول قاتتى قورىققاندىقتان ۇيىنەن شىعا الماعان. ايەل قۇستار ءۇيدىڭ ارتىنا سالعان ۇيالارىن قورعاۋعا تىرىسقاندىقتان وسىنداي ارەكەتكە بارعان بولۋى مۇمكىن دەپ وتىر.
