08:14, 24 - قىركۇيەك 2016 | GMT +5
اتىراۋدا گاز قىمباتتادى
اتىراۋ. قازاقپارات - اتىراۋدا حالىق تۇتىناتىن گاز باعاسى جاڭا تاريف بويىنشا بەلگىلەندى.
«جاڭا تاريف بويىنشا حالىق تۇتىناتىن گازدىڭ 1 مىڭ تەكشە مەترى 6404,90 تەڭگەگە باعالاندى. وسىعان دەيىن باعا 6021,42 تەڭگە بولعان»، - دەپ حابارلايدى قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ اتىراۋ وبلىسى بويىنشا دەپارتامەنتى.
ەسكە سالا كەتەيىك، جۋىردا وڭىردە قوعامدىق تىڭداۋ بولىپ، وندا گاز جەتكىزۋشىلەر باعانىڭ ءۇش جىل بويى وزگەرمەگەنىن ايتىپ، ءتاريفتى كوتەرۋ تۋرالى شەشىمدەرىن اقتاۋعا تىرىسقان ەدى. باعانى جوعارىلاتۋدان تۇسكەن قارجى ينفراقۇرىلىمدى جاڭارتۋ ءۇشىن جانە گاز قۇبىرلارىن شالعاي ەلدى مەكەندەرگە تارتۋ ءۇشىن جۇمسالاتىنىن ايتقان ەدى.
