قىتايدىڭ شيان قالاسىندا قازاقستاندىق ورتالىق اشىلاتىن بولدى
اتالمىش ماسەلەلەرگە بايلانىستى كەلىسىم بۇگىن قازاقستاننىڭ ق ح ر- داعى ەلشىلىگىنىڭ كەڭەسشىسى قايرات ابدراحمانوۆ پەن قىتايدىڭ اتالعان جوعارى وقۋ ورنىنىڭ ءبىرىنشى پرورەكتورى ۆان فەنمەن بولعان كەلىسسوزدەر بارىسىندا ءمالىم بولدى.
س ش ت ۋ 1950 -جىلى قۇرىلعان جانە وندا 51 ءتۇرلى ماماندىق بويىنشا ماماندار دايارلانادى. وقۋ ورنى سونىمەن قاتار حالىقارالىق دەڭگەيدەگى قىزمەتكەرلەر مەن اۋدارماشىلار دايىندايتىن بىردەن ءبىر ءبىلىم وشاعى. ۋنيۆەرسيتەتتە 15 مىڭعا جۋىق ستۋدەنت ءبىلىم الۋدا. ولاردىڭ اراسىندا 72 قازاقستاندىق بار.
ەستەرىڭىزگە سالا كەتەيىك، قىتايدا ەڭ العاشقى قازاقستاندىق ورتالىق 2015 -جىلدىڭ 16 - قارشاسىندا شاڭحاي شەت تىلدەر ۋنيۆەرسيتەتىندە اشىلعان بولاتىن. ەكىنشىسى وسى جىلدىڭ 13- جەلتوقسانىندا بەيجىڭ شەت تىلدەر ۋنيۆەرسيتەتىندە، ءۇشىنشىسى 2016 -جىلدىڭ 8-قاڭتارىندا داليان شەت تىلدەر ۋنيۆەرسيتەتىندە اشىلدى.
