استانادا جاڭا كوشەلەر پايدا بولادى
دەپۋتاتتار كۇن تارتىبىنە شىعارىلعان 13 ماسەلەنى قارادى. وتىرىس بارىسىندا تالقىلانعان باستى ماسەلە - اۆتوموبيل جولدارىن دامىتۋ جانە كۇتىپ ۇستاۋ بولدى.
استانا قالاسى اكىمىنىڭ ورىنباسارى قوسمان ايتمۇحامەتوۆتىڭ ايتۋىنشا، بۇگىندە تومەندە اتالعان ۋچاسكەلەردە كولىك قۇرالدارى كەپتەلىپ قالادى. ولار: تۇران داڭعىلى مەن قورعالجىن تاسجولىنىڭ قيىلىسى، تۇران داڭعىلىنىڭ كەرەي مەن جانىبەك حاندار كوشەسىنەن سىعاناق كوشەسىنە دەيىنگى بولىگى، سىعاناق كوشەسى، ورىنبور كوشەسى، (قونايەۆ كوشەسىنەن كەرەي مەن جانىبەك حاندار كوشەسىنە دەيىن)، سارى ارقا داڭعىلى (تۇلپار كوپىرىنەن كەنەسارى كوشەسىنە دەيىن جانە بوگەنباي باتىر داڭعىلىمەن قيىلىسى)، ءۋاليحانوۆ كوشەسى مەن اباي داڭعىلىنىڭ قيىلىسى.
«الەۋمەتتىك شيەلەنىستى جويۋ، الەۋمەتتىك نىسانداردى ينجەنەرلىك جەلىلەرمەن جانە بارۋ جولدارىمەن قامتاماسىز ەتۋ ماقساتىندا ءبىرقاتار كوشەلەردى سالۋ جۇمىستارى قولعا الىندى. سونىڭ ىشىندە سەيفۋللين كوشەسى مەن تىلەنديەۆ داڭعىلى اۋماعىندا جالپى ۇزىندىعى 5,3 ك م 4 كوشە، قوشقاربايەۆ كوشەسى اۋماعىندا جالپى ۇزىندىعى 9,1 ك م 7 كوشە پايدا بولادى. سىعاناق كوشەسىنىڭ اۋماعىندا ە11، ە13 كوشەلەر سالىنىپ جاتىر. سونداي- اق، بيىل «زەلەنىي كۆارتال» ت ك ينجەنەرلىك جەلىلەر تارتۋ جانە كوشەلەر سالۋ جۇمىستارى باستالدى»، - دەدى ق. ايتمۇحامەتوۆ.
ونىڭ ايتۋىنشا، قالانىڭ كولىك جەلىسىنە تۇسەتىن جۇكتەمەنى ازايتۋ ءۇشىن كىشى اينالما جولدىڭ قۇرىلىسىن جالعاستىرۋ كەرەك. ونىڭ جالپى ۇزىندىعى 35,0 ك م قۇرايدى. 2008 -جىلدان بەرى 22,8 ك م، 14 جولايىرىقتىڭ 9-ى، كوپىرلەر مەن جول وتپەلەرى سالىنعان.
«كىشى اينالما جولمەن تاۋلىگىنە 90 مىڭنان استام كولىك جۇرەدى، جوبا ىسكە قوسىلعان كەزدە كەم دەگەندە 20 مىڭ كولىك قالا ورتالىعىن اينالىپ وتەتىن بولادى»، - دەدى ول.
