تالدىقورعاندا «جۇرەگى جىردان جارالعان» اتتى اقىندار مەن انشىلەر بايقاۋى ءوتتى
دەپ حابارلايدى zhetysu.gov.kz.
بايقاۋدىڭ شىمىلدىعىن قۇتتىقتاۋ سوزبەن اشقان وبلىس اكىمىنىڭ ءبىرىنشى ورىنباسارى ءلاززات تۇرلاشوۆ ءتىل ايلىعى قورىتىندىسى بويىنشا ءبىرقاتار ازاماتتارعا الماتى وبلىسى اكىمىنىڭ، ق ر مادەنيەت جانە سپورت مينيسترلىگىنىڭ قۇرمەت گراموتالارىن تاپسىردى. سونداي- اق ءتىل جاناشىرلارىنا تىلدەردى دامىتۋ جونىندەگى باسقارماسىنىڭ قۇرمەت گراموتالارى دا بەرىلدى.
وسى كۇنى ءتىل باسقارماسىنىڭ «ادەبيەت پورتالىمەن» بىرلەسىپ وتكىزگەن «پوەزيا، مەنىمەن ەگىز بە ەدىڭ؟!» اتتى ونلاين- ءمۇشايرانىڭ جەڭىمپازدارى ماراپاتتالدى. «قازكونتەنت» ا ق «ادەبيەت پورتالى» ينتەرنەت جوباسىنىڭ جەتەكشىسى باۋىرجان قاراعىز ۇلى پورتالدىڭ مۇقاعالي ماقاتايەۆ اتىنداعى سىيلىعىن تاپسىردى.
شارا بارىسىندا ت. مولداعاليەۆ تۋرالى فيلم كورسەتىلدى.
«جۇرەگى جىردان جارالعان» رەسپۋبليكالىق بايقاۋىنا قازاقستان رەسپۋبليكاسىنىڭ حالىق ءارتىسى، مەملەكەتتىك سىيلىقتىڭ لاۋرەاتى نۇرعالي ءنۇسىپجانوۆ، قازاقتىڭ كورنەكتى اقىنى، مەملەكەتتىك سىيلىقتىڭ لاۋرەاتى ۇلىقبەك ەسداۋلەتوۆ، اقىن، حالىقارالىق «شابىت» جاستار فەستيۆالىنىڭ ەكى مارتە لاۋرەاتى باۋىرجان قاراعىز ۇلى، ءداستۇرلى ءانشى، وبلىستىق مادەنيەت، مۇراعاتتار جانە قۇجاتتاما باسقارماسىنىڭ باسشىسى اقان ءابدۋالى، وبلىستىق تىلدەردى دامىتۋ جونىندەگى باسقارمانىڭ باسشىسى احمەت كەندىربەك ۇلى قازىلىق ەتتى. ونەر سايىسىنا ەلىمىزدىڭ بارلىق وبلىستارى مەن قالالارىنان 29 جاس قاتىستى.
جاس اقىندار ت. مولداعاليەۆكە ارناعان جانە تاۋەلسىزدىك تاقىرىبىنداعى ەكى ولەڭىن وقىسا، جاس انشىلەر اقىننىڭ سوزىنە جازىلعان اندەردى ورىندادى.
بايقاۋ جۇلدەگەرلەرىنە وبلىستىق تىلدەردى دامىتۋ جونىندەگى باسقارمانىڭ ديپلومدارى مەن اقشالاي سىيلىقتارى تابىس ەتىلدى. انشىلەر اراسىندا باس جۇلدەنى استانا قالاسىنان كەلگەن انەل سمايىلوۆا يەلەنسە، اتىراۋلىق جاس اقىن سەرىك قويشىعۇلوۆ وزگە ۇمىتكەرلەردەن وزا شىعىپ، باس جۇلدەنى جەڭىپ الدى.
