ۇزىناعاشتا جوعالعان جىگىتتەردىڭ ەكىنشى جۇك كولىگى تابىلدى - فوتو
وتكەن جەكسەنبىدە، ياعني، 18- قىركۇيەك كۇنى اتالعان بازاردان ەكى كامازعا 40 باس مال تيەپ شىققان ءۇش جىگىتتىڭ ورتەنگەن ءبىر كولىگى 19 قىركۇيەكتە الماتى- استانا تاسجولىنا جاقىن ماڭداعى قانشەڭگەل اۋىلىنان تابىلعان بولاتىن.
جەدەل ىزدەستىرۋ توبى بۇگىن جامبىل اۋدانىنا قاراستى دەگەرەس اۋىلى ماڭىنان ەكىنشى جۇك كولىگىن تاپتى.
مۇلدە حابارسىز كەتكەن ءۇش ازاماتتىڭ تۋىسقانى ادال زارلىحان ەسىمدى جىگىتتىڭ ايتۋىنشا، بۇگىن تابىلعان ەكىنشى كولىكتىڭ اككۋمۋلياتورى ۇرلانعان. باسقا جەرى امان. كۇدىكتىلەر ونى الىس اۋىل ماڭىنا ايداپ اپارىپ، تاستاپ كەتكەن. وزگە ەش دەرەك جوق. ءبىزدىڭ رەداكسياعا تابىلعان كولىكتەردىڭ فوتوسى مەن ۆيدەوسىن جىبەرگەن ادال زارلىحان ىنىلەرىنىڭ امان- ەسەن تابىلۋىن تىلەپ وتىر.
مال ساۋداسىمەن اينالىساتىن 1979 -جىلعى دولدان ۇلى جارقىنبەك، 1973 -جىلعى زارلىحان ۇلى مۇقيات پەن ءالىمحان قادىلبەك ەسىمدى جىگىتتەردىڭ حابارسىز كەتكەنى تۋرالى كەشە حابارلاعان بولاتىنبىز.
