16:29, 23 - قىركۇيەك 2016 | GMT +5
پرەزيدەنت المازبەك اتامبايەۆ ەمىن جالعاستىرۋ ءۇشىن ماسكەۋگە كەلدى
استانا. قازاقپارات - مامانداردىڭ ۇسىنىسى جانە رەسەي تاراپىنىڭ شاقىرتۋىمەن قىرعىز رەسپۋبليكاسىنىڭ پرەزيدەنتى المازبەك اتامبايەۆ بۇگىن، 23 - قىركۇيەكتە ماسكەۋ قالاسىنداعى رەسەي فەدەراتسياسى پرەزيدەنتى ءىس باسقارماسىنىڭ ورتالىق كلينيكالىق اۋرۋحاناسىنا كەلدى.
پرەزيدەنت بۇدان بۇرىن وسى جەردە تەكسەرىلىپ، جۇرەگىن ەمدەتكەن بولاتىن. ەندى ەمىن ودان ءارى جالعاستىرماق.
بۇدان بۇرىن حابارلانعانداي، 2016 -جىلعى 19 - قىركۇيەكتە مەملەكەت باسشىسى ىستامبۇلدا اتاتۇرىك اتىنداعى اۋەجايدا ءوزىن جايسىز سەزىنگەن بولاتىن. قىرعىز دەلەگاتسياسى ب ۇ ۇ باس اسسامبلەياسىنىڭ 71- سەسسياسىنا قاتىسۋ ءۇشىن نيۋ- يورككە بارا جاتتى.
