ءوز ەلىمدەگى العاشقى جەكپە- جەكتىڭ جۇگى اۋىر - قانات يسلام
بۇگىن الماتىدا وسى سپورت باسەكەسى قارساڭىندا العاشقى باسپا ءسوز ءماسليحاتى ءوتتى.
ب ا ق- پەن كەزدەسۋگە دەمەۋشى كومپانيالاردىڭ ءبىرى «جەرسۋ» ج ش س- ءنىڭ باقىلاۋ كەڭەسى ءتوراعاسى باۋىرجان وسپانوۆ، كاسىپقوي بوكسشى قانات يسلام، ونىن پروموۋتەرى نەلسون لوپەس كاتىستى.
«تۇڭعىش رەت ءوز ەلىمدە كەزدەسۋ وتكىزگەلى وتىرمىن. بۇل ۇلكەن جاۋاپكەرشىلىك. قارسىلاسىم وسال ەمەس. 36 كەزدەسۋ وتكىزىپ، ونىڭ 28- ءىن نوكاۋتپەن جەڭگەن. قازاقستاندىقتار، جەرلەستەرىمنىڭ قولداۋىنا سەنەم. قازىرگى جاتتىعۋىم IBA اكادەمياسىندا ءوتىپ جاتىر»، - دەدى قانات يسلام.
بۇل سپورت كەشەنىنىڭ قازاق جانكۇيەرلەرى ءۇشىن تاعى ءبىر ەرەكشەلىگى، وندا جاس سپورتشى، ريو وليمپياداسىنىڭ قاتىسۋشىسى، الەم چەمپيونى جانىبەك ءالىمحان ۇلى كاسىپقوي بوكستا العاش رەت ءوز باعىن سىناپ كورمەك.
«كاسىپقوي بوكستا باعىمدى سىناپ كورمەكپىن. نەلسون لوپەستىڭ كلۋبى ارقىلى جاڭا مۇمكىندىكتەر اشىلادى دەپ ويلايمىن. العاشقى كەزدەسۋىمدە 12 ەمەس، 6 راۋند بولادى دەپ جوسپارلاپ وتىرمىز»، - دەيدى جاس بوكسشى جانىبەك ءالىمحان ۇلى .
بوكس جاناشىرى، مەتسەنات باۋىرجان وسپانوۆ جانىبەكتىڭ بۇل شەشىمى تۋرالى پىكىر ءبىلدىردى: «جانىبەك جاس تا بولسا، «كاسىپقوي بوكسقا اۋىسسام» دەگەن تىلەك ءبىلدىرىپ وتىر. قولداۋ كورسەتۋدەمىز. جانىبەكتىڭ مۇمكىندىگى مول، - دەدى باۋىرجان وسپانوۆ.
جانىبەك العاشقى كەزدەسۋىن كولۋمبيالىك ميلتون نۋنەسپەن وتكىزەدى.
ايتا كەتەيىك، «الماتى ارەنا» مۇز سارايىندا وتەتىن ايتۋلى بوكس كەشىندە ەلىمىزدىڭ كاسىپقوي بوكسشىلارى: جانقوش تۇراروۆ، رۋسلان مىرساتايەۆ، ءالي احمەتوۆ، ايدار شارىپبايەۆ، ايدوس ەربوسىن ۇلى سىندى بىلعارى قولعاپ شەبەرلەرى شەتەلدىك كاسىپقوي سپورتشىلارمەن قولعاپ تۇيىستىرەدى.
بوكس كەشىنىڭ دەمەۋشىسى باۋىرجان وسپانوۆتىڭ ايتۋىنشا، قانات يسلام بوكس كەشىنىڭ تەگىن ءوتۋىن سۇراعان. الايدا، وعان پروموۋتەرلىك ەتەتىن ا ق ش كومپانياسى كەلىسپەگەن.
«دەگەنمەن، بيلەتتەردىڭ قولجەتىمدى بولۋىن ويلاستىرىپ جاتىرمىز. بيلەت باعاسى قازان ايىنىڭ باسىندا بەلگىلى بولادى»، - دەدى باۋىرجان وسپانوۆ.
