ق ر ەنەرگەتيكا مينيسترلىگى بەنزين باعاسى قىمباتتامايتىنىن ايتتى
بۇل تۋرالى «قازاقپاراتقا» اتالعان ۆەدومستۆونىڭ باسپا ءسوز قىزمەتىنەن حابارلادى.
وسى رەتتە، مينيسترلىك وكىلدەرى 2015-جىلدان باستاپ ا ي-98 بەنزينىنە مەملەكەتتىك رەتتەۋ توقتاتىلعانىن، ال 2016-جىلى مەملەكەتتىك رەتتەۋ ديزەلدىك وتىنعا دا جۇرگىزىلمەيتىنىن ەسكە سالىپ ءوتتى. اتالعان مۇناي ونىمدەرىنە باعا سۇرانىس پەن ۇسىنىس نەگىزىندە قالىپتاسادى، ياعني نارىقپەن رەتتەلەدى. بۇگىندە مەملەكەتتىك رەتتەۋ ا ي-80 بەنزينىنىڭ باعاسىنا عانا بەكىتىلگەن.
«ق ر ەنەرگەتيكا مينيسترلىگى باعاعا ىقپال ەتەتىن العىشارتتاردى ازىرگە بايقاپ تۇرعان جوق»، - دەپ ناقتىلادى مينيسترلىك وكىلدەرى.
ايتا كەتەيىك، قازىرگى كەزدە قازاقستانداعى مۇناي وڭدەيتىن زاۋىتتاردا قولدانىستاعى قۋاتتى قايتا جاڭارتۋ مەن جاڭعىرتۋ جوبالارى جۇزەگە اسىرىلۋدا.
بەكىتىلگەن جوسپارعا سايكەس، زاۋىتتارداعى جاڭعىرتۋ جۇمىستارى كەزەڭ-كەزەڭىمەن 2017-جىلدىڭ سوڭىنا دەيىن ىسكە اسىرىلماق. ەلىمىزدەگى ءۇش زاۋىتتىڭ اۋماقتىق ورنالاسۋى قازاقستاننىڭ بارلىق وڭىرلەرىن مۇناي ونىمدەرىمەن قامتاماسىز ەتۋگە قاۋقارلى بولادى.
