10:10, 23 - قىركۇيەك 2016 | GMT +5
تالعات ەرمەگيايەۆ قىز زورلاپ، ادام ولتىرگەندەرمەن بىرگە جازاسىن وتەۋدە
استانا. قازاقپارات - 14 جىلعا سوتتالعان «ەكسپو-نىڭ» ەكس- ءتوراعاسى استانا تۇبىندەگى قاتاڭ تارتىپتەگى تۇرمەدە ەكەن دەپ حابارلايدى «ك ت ك» ارناسى.
وندا 25 پەن 60 جاس ارالىعىنداعى اۋىر قىلمىس جاساعاندار، ياعني ادام ولتىرگەن، قىز زورلاپ، ۇرلىق ىستەگەندەر جازاسىن وتەۋدە. ەندى ولاردىڭ قاتارىنا تالعات ەرمەگيايەۆ تە قوسىلدى.
ەكس- ءتوراعا اباقتىداعى كازارماعا ۇقساس سالىنعان بولمەلەردە تۇرىپ جاتىر. ول ەكى ساعاتتان باستاپ ءۇش تاۋلىككە دەيىن تۋىستارى، بالالارى جانە ايەلىمەن كەزدەسە الادى. سونداي-اق، دەمالىس كۇندەرى سپورتپەن اينالىسىپ، تەلەديدار كورۋىنە رۇقسات ەتىلگەن.
ەستەرىڭىزگە سالساق، تالعات ەرمەگيايەۆ 2017-جىلى استانادا وتەتىن حالىقارالىق كورمەگە بولىنگەن بيۋدجەتتىڭ ميللياردتارىن جىمقىرعانى ءۇشىن سوتتالعان ەدى. ەرمەگيايەۆ ۇكىممەن كەلىسپەي، قايتا شاعىمدانعان. ءبىراق اپەللياتسيالىق سوت ونىڭ جازاسىن وزگەرىسسىز قالدىردى.
