قازاقستاندىق ۆولەيبولشىلار ازيا كۋبوگىنىڭ باستاپقى ماتچىندا قىتايدان جەڭىلىپ قالدى

استانا. قازاقپارات - ۆولەيبولدان قازاقستاننىڭ ەرلەر قۇراماسى تايلاندتا ءوتىپ جاتقان ازيا كۋبوگىنىڭ ءبىرىنشى ويىنىندا قىتاي كومانداسىنان ۇتىلىپ قالدى.

Sports.kz- ءتىڭ جازۋىنشا، ءبىرىنشى جانە ەكىنشى سەتتە قازاقستاندىق ۆولەيبولشىلار سوڭىنا دەيىن كۇرەستى، الايدا 25:23 ۇپايمەن قارسىلاسىنا ەسە جىبەردى. ءۇشىنشى كەزەڭدە قىتايلىق سپورتشىلار العا شىعىپ، باسىمدىقتى ويىن سوڭىنا دەيىن ساقتاپ قالدى. ەسەپ - 25:20. ويىن قورىتىندىسى 3:0 ەسەبىمەن قىتاي پايداسىنا شەشىلدى.

«ا» توبىنداعى وزگە ويىندا قىتايلىق تايپەي بەس سەتتە تايلاندتى جەڭدى. 23- قىركۇيەكتە قازاقستان قۇراماسى قىتايلىق تايپەيمەن، ال قىتاي تايلاندپەن باسەكەلەسەدى. «ۆ» توبىندا يران اۆستراليانى، ال وڭتۇستىك كورەيا جاپونيانى جەڭدى.