مەشىت ماڭىندا جالاڭاش بيلەپ بەينەبايان تۇسىرگەن ءانشىسى جۇرت الدىندا اقتالدى - كەسكىن
ءانشى ءوز ارەكەتتەرىنەن ەشقانداي ەرسىلىكتى كورمەيتىنىن ايتتى.
«ەگەر بۇل بەينەبايان بىرەۋدىڭ كوڭىلىنە قاياۋ تۇسىرگەن بولسا، مەن كەشىرىم سۇرايمىن. بۇل مەنىڭ ساحنالىق وبرازىم. سونداي-اق مەنىڭ شىعارماشىلىعىما قۇرمەتپەن قاراپ، پىكىرى وزگەرمەگەندەرگە العىس ايتامىن»، - دەيدى گانيۋللينا «ۆكونتاكتە» جەلىسىنەگى پاراقشاسىندا.
ءانشى ءوزىنىڭ دە مۇسىلمان ەكەنى، بەس ۋاقىت ناماز وقيتىنىن، وزگەگە ساداقا بەرىپ، كومەك قولىن سوزىپ جۇرەتىنىن ايتتى.
«يسلام - بۇل ەڭ تازا، مەيىرىمدىلىككە ۇندەيتىن ءدىن»، - دەيدى ول.
ءانشى ءبيىن ستريپتيز ەمەس ونەر دەپ سانايتىنىن جەتكىزدى. ونىڭ ەسترادالىق جانر ەكەنىن اتاپ ءوتتى.
الايدا، ءانشىنىڭ ءسوزى مۇسىلمان قاۋىمنىڭ كوڭىلىنەن شىقپادى. كەرىسىنشە وعان تاعىلعان سىن كوبەيىپ كەتتى.
كوپشىلىك الدىندا العاش بولىپ ءانشىنى ايىپتاعان مەشىت يمامى سەيدجاگفار لۋتفۋللين ونىڭ ءبىر تاۋلىك ىشىندە بەينەباياندى ءوشىرۋىن تالاپ ەتكەن.
«وسى جاسىنداعى ايەل ءوزىنىڭ نە ىستەپ جۇرگەنىن وي ەلەگىنەن وتكىزۋ كەرەك. ءوز سالتىنا، دىنىنە قۇرمەتپەن قاراۋ كەرەك. بۇل ەشقانداي دا ساحنالىق وبراز ەمەس. باياعىدا سۇلتاندار الدىندا ستريپتيزەر قىزدار دەنەسىن جالاڭاشتاپ، ونىڭ قۇمارلىعىن ارتتىرۋ ءۇشىن وسىلاي بيلەيتىن بولعان. بۇل سودان قالعان ويدان شىعارىلعان وبراز»، - دەيدى يمام.
ءانشى «جانىم» اتتى انىنە تۇسىرىلگەن بەينەبايانى ءۇشىن ەلدىڭ سىنىنا ىلىككەن بولاتىن.
