قىزىلوردادا قالا كۇنىندە «شۇبات-قىمىز»، «قاۋىن-قاربىز» فەستيۆالى ۇيىمداستىرىلادى

قىزىلوردا. قازاقپارات -  قىزىلوردادا قالا كۇنىندە ورتالىق الاڭدا «ۇلتتىق ونەر، قۇت قاينار» اتتى وبلىستىق ونەر فەستيۆالى، «سىردىڭ شيپا شۇباتى - جىردىڭ قاينار قۋاتى» اتتى «شۇبات-قىمىز» فەستيۆالى وتەدى.

بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.

ارالدان باستاپ جاڭاقورعانعا دەيىنگى ارالىقتاعى شيپالى شۇبات، قىمىز وندىرۋشىلەر قىزىلوردالىقتارعا ۇلتتىق برەندكە اينالعان سۋسىندارىن ۇسىنادى.

«قاۋىن-قاربىز» فەستيۆالىندە، قىزىلوردالىقتار سىر بويى باعباندارىنىڭ وسىرگەن قاۋىن، قاربىزدارىنان تەگىن ءدام تاتا الادى. فەستيۆال بارىسىندا سىردان شىققان ونىمدەردىڭ ءتۇر-تۇرىنەن كورمەلەر ۇيىمداستىرىلادى.