قازاق بوكسىنىڭ اتاسى شوقىر بولتەك ۇلى تۋرالى فيلم ءتۇسىرىلىپ جاتىر
وسىعان وراي، ونىڭ تۋعان ءوڭىرى اقتاۋ قالاسىندا بوكستان حالىقارالىق تۋرنير وتەدى. جانە اتالعان تۇلعانىڭ قۇرمەتىنە دەرەكتى فيلم ءتۇسىرىلىپ جاتىر. بۇل تۋرالى وسى فيلمنىڭ اۆتورى سەرىك نويانباي ۇلى حابارلادى.
ونىڭ ايتۋىنشا، شوقىر بولتەك ۇلىنا ارنالعان دەرەكتى فيلمنىڭ ءتۇسىرىلىم جۇمىستارى الماتى قالاسى مەن ماڭعىستاۋ وبلىسىندا جۇرگىزىلمەك. جانە، اتالعان فيلمدەگى ەپيزود كادرلارىنا تانىمال بوكسشى جانقوش تۇراروۆ تۇسەدى.
«بۇكىل الەم قازاق بوكسىنىڭ قۇدىرەتىن بىلەدى. ءىرى دودادالاردا ەل نامىسىن ابىرويمەن قورعاپ جۇرگەن بوكسشىلارىمىز جەتەرلىك. ال ولارعا داڭعىل جولدى سالىپ بەرگەن كىم؟ ارينە، شوقىر اتامىز. ءبىزدىڭ ماقساتىمىز وسى نارسەنى اتالعان دەرەكتى فيلمدە كورسەتۋ»، - دەيدى فيلم اۆتورى.
شوقىر بولتەك ۇلىنا ارنالعان فيلم 29- قازاندا جارىققا شىقپاق.
اۆتور: كۇنسۇلتان وتارباي
