توي يەلەرى ماقپال ءجۇنىسوۆانى تاقىرعا وتىرعىزىپ كەتتى
ءانشى تويدا كەلگەن قوناقتارمەن سۋرەتكە تۇسەمىن دەپ ءجۇرىپ وزىنە تيەسىلى اقشانى الۋدى ۇمىتىپ كەتىپتى.
بۇل تۋرالى «ريەۆيۋ» باعدارلاماسىندا ايتىلدى.
ماقپال ءجۇنىسوۆانىڭ اڭعالدىعى بۇگىندە باسىنا سور بولىپ جابىسقان-دى. قازاقتىڭ قۋانىشىنا ورتاقتاسىپ، انىمەن شاشۋ شاشقان حالىق ءارتىسىن توي يەلەرى تاقىرعا وتىرعىزىپ كەتكەن.
«تويعا بارىپ ولەڭىمدى ايتتىم. ءبىراق قوناقتارمەن سۋرەتكە تۇسەمىن دەپ ءجۇرىپ قالاماقىمدى الۋدى ۇمىتىپ كەتىپپىن. اقشامدى الماعانىم ۇيگە كەلگەن سوڭ ءبىراق ەسىمە ءتۇستى. قوڭىراۋ شالسام، انا كىسى تەلەفوندى المايدى. كوپ رەت حابارلاستىم. اقىرى اقشانى بەرمەي كەتتى»، - دەيدى ماقپال ءجۇنىسوۆا.
بۇدان كەيىن حالىق ءارتىسى دە قاراپ قالماعان. الاياق جايلى اقپارات ىزدەۋگە كىرىسكەن. ناتيجەسىندە الدانعانىنا كوز جەتكىزگەن. «الگى ادام تۋرالى سۇراستىرعانىمدا، ولاردىڭ الاياق ەكەنىن ءبىلدىم. التى ايدان بەرى انشىلەردى الداپ كەلگەن ەكەن. ءوستىپ ادامداردى جىندى قىلادى ەكەن»، - دەيدى ول. الاياقتارعا الدانعانداردىڭ قاتارىندا نۇر-مۇقاسان ءدۋەتى دە بار. ولار ليديا كادەنوۆادان كونسەرتكە شاقىرتۋ الىپ، سوڭىندا قالاماقىسىز قايتقان.
