ازيا پارلامەنتارالىق فورۋمى عىلىم، تەحنولوگيا جانە يننوۆاتسيا تاقىرىبىن تالقىلايدى

استانا. قازاقپارات - بيىل استانادا عىلىم، تەحنولوگيا جانە يننوۆاتسيا تاقىرىپتارى تالقىلاناتىن ازيا پارلامەنتارالىق فورۋمى وتەدى.

26-27- قىركۇيەك كۇندەرى ازيا ەلدەرىنىڭ پارلامەنتتەگى دەپۋتاتتارى وسى تاقىرىپقا قاتىستى وزەكتى ماسەلەلەر مەن جاڭا ۇسىنىستار ايتادى دەگەن ءۇمىت بار.

«ازيا ەلدەرىنىڭ پارلامەنتارالىق كەزدەسۋى ەڭ العاش رەت 2003-جىلى وتكەن بولاتىن. سول كەزدەسۋدىڭ قورىتىندىسى بويىنشا، عىلىم، تەحنولوگيا جانە يننوۆاتسيا ماسەلەلەرىنە ارنالعان سۇراقتاردى پارلامەنتارالىق كەزدەسۋلەردە تالقىلاعان ءجون بولادى دەپ ايتىلدى.

ارينە، عىلىم ءار مەملەكەتتە ءارقيلى داميدى، ءبىراق عىلىم جالپى ومىرگە تىكەلەي قاتىستى دۇنيە بولعاننان كەيىن جاھاندانۋ زامانىندا ۋنيفيكاتسيا ماسەلەلەرىنە زور ءمان بەرگەن ءجون»، - دەدى بۇگىن ورتالىق كوممۋنيكاتسيالار قىزمەتىندە ازيا پارلامەنتارالىق فورۋمى وتەتىن حابارلاي وتىرىپ، ق ر پارلامەنتى ءماجىلىسىنىڭ دەپۋتاتى بەيبىت مامرايەۆ.

ءماجىلىس دەپۋتاتى حابارلاعانداي، فورۋم بارىسىندا 7 سەسسيا وتەدى. فورۋمعا 25 ەلدىڭ پارلامەنت وكىلدەرى مەن ساراپشىلار، سونداي-اق، التى حالىقارالىق ۇيىمنىڭ مۇشەلەرى قاتىسپاق. فورۋمنىڭ ماقساتى - ۇلتتىق يننوۆاتسيا جۇيەسىن نىعايتۋ، عىلىمي-تەحنيكالىق دامۋ ءۇشىن جۇيەلىك موتيۆاتسيا تەتىكتەرىن قوسۋ.