قىزىلوردادا رامىزدەر الاڭى اشىلادى
قالا اكىمدىگىنىڭ باسپا ءسوز قىزمەتىنىڭ حابارلاۋىنشا، بيىلعى قالا كۇنى تاۋەلسىزدىگىمىزدىڭ 25 جىلدىعى قۇرمەتىنە ارنالىپ، مەرەكە اياسىندا قالىپتاسقان ءداستۇر بويىنشا قالا قوناقتارى مەن تۇرعىندارىنىڭ قۇرمەتىنە ءسان-سالتاناتىنا ساي مادەني-كوپشىلىك شارالار ۇيىمداستىرىلاتىن بولادى.
مەرەكەنىڭ العاشقى كۇنى، سەنبىدە «مەملەكەتتىك رامىزدەر الاڭىنىڭ» سالتاناتتى اشىلۋ ءراسىمى وتەدى. سونداي-اق، سىرداريا وزەنىن جاعالاي ورىن تەپكەن اينالما جول «تاۋەلسىزدىك» داڭعىلىنىڭ اشىلۋ سالتاناتى بولادى. بۇعان قوسا وسى كۇنى «ساۋلەت» مولتەك اۋدانىنداعى كوپ قاباتتى تۇرعىن ۇيلەردىڭ كىلتىن تابىستالسا، «اقمەشىت» مولتەك اۋدانىنداعى جاڭا «سولتۇستىك» اۆتوبەكەتى دە پايدالانۋعا بەرىلەدى.
سالتاناتتى شارانىڭ جالعاسۋى شاھاردىڭ كەلبەتىنە ءار بەرگەن قالاعا سولتۇستىك باعىتتان كىرەتىن قاقپانىڭ اشىلۋ راسىمىنە ۇلاسادى. سونىمەن بىرگە «اقمەشىت» مولتەك اۋدانىندا ورنالاسقان «مەرەيلىم» بالاباقشاسى اشىلسا، ق ر تۇڭعىش پرەزيدەنتى ساياباعىندا 25 جاس وتباسىنا نەكە كۋالىگى تاپسىرىلادى.
