قاراعاندىلىق ارۋ قىتايدا وتەتىن الەمدىك سۇلۋلىق بايقاۋىندا ەل نامىسىن قورعايتىن بولدى - فوتو، كەسكىن

استانا. قازاقپارات - قازاقستاندىق ارۋ رەناتا نۇرعازينا قىتايدا قاراشا ايىندا وتەتىن Miss World Peace حالىقارالىق سۇلۋلىق بايقاۋىندا قازاقستاننىڭ نامىسىن قورعايدى دەپ حابارلايدى NUR. KZ پورتالى.

19 جاستاعى قاراعاندىلىق مودەل رەناتانىڭ بويى - 176 سانتيمەتر. دەنە ءبىتىمى - 80-57-89. مودەل جەلى پاراقشاسىندا بايقاۋعا قاتىساتىنى تۋرالى قۋانىشتى حابارمەن بولىسكەننەن كەيىن جەلى قولدانۋشىلارى وعان ماقتاۋلارىن جاۋدىردى.

«راسىمەن سۇلۋ ارۋ قازاقستاننىڭ نامىسىن قورعايتىنىنا قۋانىشتىمىن. ءبىز ءسىز ءۇشىن جانكۇيەر بولامىز»، - دەپ جازعان پىكىر قالدىرۋشىلاردىڭ ءبىرى.

رەناتا «قازاقستاننىڭ ەكىنشى ۆيتسە-ارۋى»، «قاراعاندى ارۋى - 2015» اتاقتارىن يەلەنگەن.

بويجەتكەن بيولوگيا ماماندىعىنا ەرەكشە قىزىعۋشىلىق تانىتىپ، وقۋدى قاشان دا ءبىرىنشى ورىنعا قوياتىنىن ايتقان. اكەسى - اسكەري ادام.