الماتىدا مۇسىلمان ايەلدەرى كيىمىنىڭ جارمەڭكەسى وتۋدە - فوتورەپورتاج
قازاقستاندا تۇڭعىش رەت ءوتىپ جاتقان شارا ەكى كۇنگە سوزىلادى. وندا قازاقستان، قىرعىزستان، رەسەي، داعىستان، شەشەن رەسپۋبليكاسى سىندى ەلدەردەگى مۇسىلمان ايەلدەر كيىمىن تىگەتىن 45 ءسان سالونى مەن شەبەرحانالار ءوز ونىمدەرىن ۇسىنعان.
«SISTERS BAZAAR» - بۇل تەك مۇسىلمان كيىمىن كيەتىن قىز- كەلىنشەكتەردىڭ جارمەڭكەسى ەمەس، بۇل ءسان، قاراپايىم، ۇزىن ەتەك كويلەك كيگىسى كەلەتىن قىز- كەلىنشەكتەرگە ارنالعان سوڭعى ۇلگىدەگى كيىم ۇلگىلەرى. شارانىڭ ماقساتى مۇسىلمان ءسان يندۋسترياسىنىڭ تۇتىنىشىلار قاتارىن ارتتىرۋ. جارمەڭكەنىڭ ەڭ ماڭىزدى بولىگى رەتىندە ەلىمىز بەن جاقىن شەتەلدەگى ءسان سالوندارى مەن شەبەرحانالاردىڭ كۇزدىك توپتامالارى ۇسىنىلاتىنىن ايتۋعا بولادى» ، - دەيدى شارا ۇيىمداستىرۋشىسى ايگۇل زاينۋللينا.
ايتا كەتەيىك، اتالعان حالىقارالىق جارمەڭكەگە رەسەيدە برەندكە اينالعان Aset تىگىنحاناسى، داعىستانداعى چۋبارۋك جانە ماسكەۋدى باعىندىرعان HL Arapkhanovi سىندى تانىمال برەند- كومپانيالار كيىم ۇلگىلەرىن ۇسىنىپ وتىر.
كەلۋشىلەر نازارىنا كيىم مەن اكسەسسۋارلاردان بولەك، تابيعي ونىمنەن جاسالعان كوسمەتيكالار دا ۇسىنىلدى.
