13:28, 22 - قىركۇيەك 2016 | GMT +5
شىعىس قازاقستاندا ەڭ ۇلگىلى كەلىن تاڭداپ الىندى
وسكەمەن. قازاقپارات - وسكەمەندە وتكەن بايقاۋدا شىعىس قازاقستان وبلىسىنىڭ ءتۇرلى اۋداندارىنان كەلگەن 11 وكىل ۇلگىلى كەلىن اتانۋ ءۇشىن ءوزارا باسەكەگە ءتۇستى.
بايقاۋدا ەڭ ۇلگىلى كەلىن اتاعىنا ءۇرجار اۋدانىنىڭ وكىلى التىناي قوجبانوۆا لايىقتى دەپ تانىلدى. ال، بايقاۋدىڭ ەكىنشى ورنىن اباي اۋدانىنان كەلگەن ەلميرا ءبىرعاميتوۆا جەڭىپ الدى. ءۇشىنشى ورىنعا گلۋبوكوۆسكي اۋدانىنىڭ تۇرعىنى ءمادينا كوپەنوۆا يە بولدى.
ايتا كەتەيىك، «اياۋلى جاس كەلىن» وبلىستىق بايقاۋى ش ق و- دا ءبىرىنشى رەت ءوتىپ تۇرعان جوق. مۇندا كەلىندەر ۇلتتىق تاعام ازىرلەۋدەگى شەبەرلىكتەرىن، قازاق داستۇرلەرىن قانشالىقتى بىلەتىنىن جانە وزدەرىنىڭ شىعارماشىلىق مۇمكىندىكتەرىن كورسەتتى.
«ءار كەزەڭدە بايقاۋعا قاتىسۋشىلار قازىلار القاسى مەن كورەرمەندەردى تاڭقالدىرۋعا تىرىستى. كەيبىرەۋلەرى 6 تىلدە ءان ورىندادى، وزدەرى شىعارعان ولەڭدەرىن وقىدى، وزدەرى جاساعان تۇرمىستىق زاتتاردى اكەلدى»، - دەلىنگەن ءوڭىردىڭ اقپارات ورتالىعى تاراتقان مالىمەتتەردە.
