قازاق اتاۋلارىنا قارسى شىققان پەتروپاۆل تۇرعىنى سوتتالىپ جاتىر
قازاق اتاۋلارىنا قارسى شىققان 37 جاستاعى پەتروپاۆل قالاسىنىڭ تۇرعىنى. ۇلتارالىق جانە ءدىنارالىق ارازدىق تۋدىرتىپ، سەپاراتيستىك باستامالار كوتەرگەنى ءۇشىن ەندى ول زاڭ الدىندا جاۋاپ بەرەتىن بولادى.
سوتتا ايتىلعانداي 37 جاستاعى يگور چۋپرينا 2014 جانە 2015 -جىلدارى ءوزىنىڭ «ۆكونتاكتە» الەۋمەتتىك پاراقشاسىندا حالىق اراسىنداعى الاۋىزدىقتى تۋدىراتىن جازبالاردى ۇنەمى ۇزدىكسىز جاريالاپ وتىرعان.
اسىرەسە، پەتروپاۆلداعى اۋىلدار مەن كوشە اتاۋلارىنىڭ قازاق تىلىنە وزگەرۋىنە قارسى بولىپ، «ۆكونتاكتە» پاراقشاسىندا وزىنە جاقتاستار ىزدەگەن. اتالمىش جازبالار كوپتەگەن جەلى قولدانۋشىلارىنىڭ نارازىلىعىن تۋدىرعان.
«ونىڭ «ويانىڭدار، رەفەرەندۋم» دەگەنى قاتتى جانىما باتتى. مەن بۇنى وزىمە ۇلتتىق قاۋىپ رەتىندە قابىلدادىم»، - دەيدى كۋاگەر دانيار ابجيكەيەۆ.
ФОТО: AZATTYQ.ORG
