قاماۋدا وتىرعان قىلمىسكەرلەر نەگە تەمىر-تەرسەك جۇتۋعا قۇمار؟

استانا.قازاقپارات - قوستاناي وبلىسىندا قاماۋدا وتىرعان تۇقىن قاسىق جۇتىپ قويدى. وسىلايشا ول قارسىلىق تانىتپاق بولعان.

ەر ادام ارقالىقتاعى اۋرۋحاناعا جەتكىزىلدى. قىلمىسكەرگە وتا جاسالىپ، ءساتتى اياقتالعان. ناۋقاس اۋرۋحانادان شىعارىلىپ، قايتادان تەمىر تورعا توعىتىلدى.

اۋرۋحانانىڭ باس دارىگەرى قۋاندىق سماعۇلوۆتىڭ سوزىنشە، مۇنداي جاعداي شامامەن جىلىنا ءبىر رەت ورىن الادى.

«مۇنداي وتانى وتكىزۋ ادىستەمەسى دارىگەر ءۇشىن قيىن ەمەس. نەگىزىنەن كوپ نارسە زاتتىڭ ادامنىڭ ىشىندە نەشە ۋاقىت بولعانىنا بايلانىستى» ، - دەيدى دارىگەر.

ال وبلىستىق كوپسالالى اۋرۋحانانىڭ باس دارىگەرى ۆلاديمير ستەلماح ءوزىنىڭ حيرۋرگيا سالاسىنداعى تاجىريبەسىندە مۇنداي جاعدايعا ەشقاشان كەزىكپەگەنىن ايتىپ ءوتتى.

«ادامدار نە جۇتپايدى دەسەڭىزشى؟ قاسىق تا، شەگە دە، ينە دە.. الايدا ۇنەمى ءبارى ءساتتى اياقتالادى. تەز ارادا وتا جاساپ، شىعارىپ الاتىنبىز. 45 شەگە جۇتىپ قويعان ناۋقاس ەسىمدە. 43 شەگەنى تەز ارادا شىعاردىق، ال ەكەۋىن ۇزاق ۋاقىت ىزدەدىك. ول دا اباقتىدا وتىرعان ازامات بولاتىن. قۇرىشتان جاسالعان القا جۇتقاندار دا كەزدەسكەن. ونى شىعارىپ الۋ وڭاي ەمەس. كوبىنەسە مۇنداي قادامعا سوتتالعاندار بارادى. ال بوستاندىقتا تەك پسيحيكالىق اۋىتقۋشىلىعى بار ادام بىردەڭە جۇتۋى مۇمكىن» ، - دەيدى دارىگەر.

Stan.kz