07:23, 22 - قىركۇيەك 2016 | GMT +5
ءدىن ىستەرى جانە ازاماتتىق قوعام ءمينيسترى قازاقستاننىڭ باس راۆۆينىمەن ءدىني بىرلەستىكتەر قىزمەتىن تالقىلادى
استانا. قازاقپارات - بۇگىن، 21 - قىركۇيەكتە ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ قازاقستاننىڭ باس راۆۆينى ەشايا كوگەنمەن كەزدەستى. بۇل تۋرالى مينيسترلىكتىڭ باسپا ءسوز قىزمەتى حابارلادى.
كەزدەسۋ اياسىندا تاراپتار مەملەكەتتىك- كونفەسسيالىق قاتىناستار مەن ءدىني بىرلەستىكتەردىڭ قىزمەتى تۋرالى وزەكتى ماسەلەلەردى تالقىلادى.
ءىس- شارا بارىسىندا مينيستر قوعامداعى رۋحاني قۇندىلىقتاردى، بەيبىتشىلىك پەن تولەرانتتىلىقتى قالىپتاستىرۋداعى، سونداي- اق قازاقستانداعى دىنگە سەنۋشىلەردىڭ وركەندەۋگە، بىرلىك پەن ىنتىماقتاستىققا ۇمتىلىسىن قالىپتاستىرۋداعى ءدىننىڭ ءرولىن اتاپ ءوتتى.
سونداي- اق، ن. ەرمەكبايەۆ ءدىني قاتىناستار سۋبەكتىلەرىنىڭ بارلىعى قازاقستان رەسپۋبليكاسىنىڭ «ءدىني قىزمەت جانە ءدىني بىرلەستىكتەر تۋرالى» زاڭىن ساقتاۋى ماڭىزدى ەكەندىگىنە باسا نازار اۋداردى.
ءوز كەزەگىندە قازاقستاننىڭ باس راۆۆينى ءداستۇرلى ءدىن قىزمەتشىلەرى مەملەكەتپەن سىندارلى سۇحبات قۇرۋعا ءاردايىم دايىن ەكەندىگىن جەتكىزدى.
