قازاقستاندا مونوجىپتەر مەن مونوتالشىقتاردان جاسالعان اۋلاردى ساتۋعا تىيىم سالىنادى
«ءبىزدىڭ قوعامدى الاڭداتاتىن ماسەلەنىڭ ءبىرى - ول بالىق اۋلاۋدا تىيىم سالىنعان قۇرالداردى پايدالانۋعا بايلانىستى. وزدەرىڭىز بىلەسىزدەر، ەۋرازيالىق ەكونوميكالىق وداق اۋماعىنا بەلگىلى ءبىر بالىق اۋلاۋ تورلارىن كىرگىزۋگە تىيىم سالىنعان. سونىمەن قاتار ولاردى بالىق شارۋاشىلىعى سۋ قويمالارىندا دا پايدالانۋعا رۇقسات ەتىلمەيدى. الايدا، اتالعان قۇرالداردى ساتۋعا تىيىم سالۋ بويىنشا نورماتيۆتىك- قۇقىقتىق اكت قابىلدانعان جوق. بۇگىندە ءبىز ۇكىمەت قاۋلىسىنىڭ جوباسىن ازىرلەپ، ونى مەملەكەتتىك ورگاندارمەن كەلىسۋگە جولدادىق. اتالعان قاۋلى جوباسىمەن ە ا ە و- نىڭ كەدەندىك اۋماعىنا كىرگىزۋگە تىيىم سالىنعان اۋلاۋ قۇرالدارىنىڭ ساتىلۋى شەكتەلەدى»، - دەدى ن. ءجۇنىسوۆ.
ونىڭ ايتۋىنشا، بۇگىنگى تاڭدا مونوجىپتەر مەن مونوتالشىقتاردان جاسالعان اۋلار ءبىر رەت قولدانىلعان سوڭ ىسكە جارامسىز بولىپ قالادى جانە باعاسى ارزان بولعانى سەبەپتى دە بالىقشىلار تاراپىنان ۇدايى وزەن- كولدەردە قالدىرىپ كەتەدى. بۇل ءوز كەزەگىندە بالىقتاردىڭ كوپتەپ قىرىلۋىنا الىپ كەلەدى.
اۆتور: رۋسلان عابباسوۆ
