نۇرلان نىعماتۋلين دەپۋتاتتاردى ادەپ ساقتاۋعا شاقىردى

استانا. قازاقپارات - بۇگىن پارلامەنت ءماجىلىسىنىڭ سپيكەرى نۇرلان نىعماتۋلين ءماجىلىس ءتوراعاسى جانىنان دەپۋتاتتىق ادەپ كەڭەسى قۇرىلعاندىعىنان حاباردار ەتتى.

بۇل تۋرالى ءماجىلىستىڭ باسپا ءسوز قىزمەتى حابارلادى.

 ن. نىعماتۋلين اتاپ وتكەندەي، بۇل كەڭەس دەپۋتاتتىق ادەپ ەرەجەلەرىن بۇزعان جاعدايدا، ءتيىستى زاڭداردى باسشىلىققا الا وتىرىپ، ورتالىق سايلاۋ كوميسسياسىمەن بىرلەسىپ، دەپۋتاتتىق ەتيكانى بۇزۋعا جول بەرمەي، كەرەك ۋاقىتتا جازالاۋ شارالارىن قولدانۋ جونىندە ۇسىنىستار ازىرلەيتىن بولادى.

 ەلىمىزگە بەلگىلى قوعام قايراتكەرى، ءماجىلىس دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى قۋانىش سۇلتانوۆ باسقاراتىن كەڭەستىڭ مۇشەلەرى: ساۋىتبەك ابدراحمانوۆ، قۇرالاي قاراكەن، ەۆگەني كوزلوۆ، ەكاتەرينا نيكيتينسكايا، شاۆحات وتەمىسوۆ، تۇرعىن سىزدىقوۆ.