الماتىدا حايۋاناتتار باعىنىڭ قىزمەتكەرلەرى قولتىراۋىنداردى جۇرتتىڭ كوزىنشە تاماقتاندىردى - فوتو

الماتى. قازاقپارات - الماتى قالاسىنىڭ حايۋاناتتار باعىندا العاش رەت قولتىراۋىنداردى تاماقتاندىرۋ «ءراسىمى» شوۋ رەتىندە كورسەتىلمەك. مۇنداي ءتاسىل الەمدىك تاجىريبەدە بار كورىنەدى.

 «حايۋاناتتار باعىنىڭ كوپتەگەن قوناعى ءبىزدىڭ قولتىراۋىنداردى «قۋىرشاق» جاساندى دەپ ويلايدى. جالپى، قولتىراۋىن تابيعاتىن سالقىن قاندى. كوپ قيمىلدى ۇناتپايتىن، تابەتى اۋا رايىنا قاراي اشىلاتىن اڭ. ول ءۇشىن اۋا تەمپەراتۋراسىن نە تومەندەتۋ، نە جوعارىلاتۋ كەرەك. تەلەديداردان كورگەندە ولاردىڭ جىرتقىشتىعىن بايقاپ، زووباقتا قيمىلسىز جاتقانىنا كوپ سەنە بەرگىمىز كەلمەيدى. سوندىقتان، ءبىز ولاردى جۇرت كوزىنشە تاماقتاندىرىپ، ولاردىڭ قانشالىقتى كۇشتى، جىرتقىش اڭ ەكەنىن كورسەتكىمىز كەلەدى»، دەپ حابارلادى الماتى حايۋاناتتار باعىنىڭ باسپا ءسوز قىزمەتىنەن.

 قولتىراۋىندى تاماقتاندىرۋ ءار اپتا سايىن سارسەنبى كۇندەرى ساعات 15:00، 16:00-دە وتەدى. ءبىراق، ونىڭ تاماقتانۋى اۋا رايىنا بايلانىستى بولاتىنىن الدىن الا ەسكەرتەمىز.

اۆتور: الماس مۇقاش ۇلى