رەسپۋبليكالىق «ەگەمەن قازاقستان» گازەتى ەلباسىنىڭ جاڭا كىتابىن جاريالاي باستادى

 استانا. قازاقپارات - رەسپۋبليكالىق «ەگەمەن قازاقستان» گازەتى مەملەكەت باسشىسى نۇرسۇلتان نازاربايەۆتىڭ «ۇلى دالا ۇلاعاتتارى» اتتى جاڭا تۋىندىسىن جاريالاي باستادى.

«بيىل ەلىمىز ءوز تاۋەلسىزدىگىنىڭ شيرەك عاسىرلىق مەرەيلى بەلەسىن اتاپ وتكەلى وتىر. وسى ورايدا، ەگەمەندىگىمىزدىڭ ەلەڭ- الاڭىنان بەرى ونى تابىستى باسقارىپ، تاۋەلسىزدىگىمىزدىڭ تۋىن تىكتەپ، ىرگەتاسىن بەكەمدەگەن ەلباسىمىز  ن. ءا. نازاربايەۆتىڭ ساياساتكەرلىك دارىنىنا قوسا، ونىڭ قالامىنان شىققان كىتاپتار دا ءاردايىم وسى سىندارلى 25 جىلدىڭ جىلناماسى بولىپ كەلەدى»، - دەپ جازادى «ەگەمەن قازاقستان» گازەتى بۇگىنگى سانىندا.

 قازاقستان باسشىسىنىڭ ءار كىتابىن تەك ءوز وتانداستارىمىز عانا ەمەس، الەم جۇرتشىلىعى دا ەلەۋلى جاڭالىق رەتىندە قابىلدايدى. تاياۋدا مەملەكەت باسشىسى «ۇلى دالا ۇلاعاتتارى» دەگەن اتاۋمەن ءوزىنىڭ جاڭا تۋىندىسىن ءتامامداپ، باسپاعا ۇسىندى. پرەزيدەنت بۇل ەڭبەگىندە ەل مەن جەردىڭ تاريحى جانە تاعدىرى، الەمنىڭ جانە قوعامنىڭ دامۋى، جاس بۋىننىڭ الدىندا تۇرعان كەلەلى مىندەتتەر، باسقا دا كوپتەگەن، سونىڭ ىشىندە جاھاندىق تا ءمانى بار ماسەلەلەر تۋرالى ءوزىنىڭ پايىمداۋلارى مەن وي- تولعامدارىن كۇللى ادامزاتتىق قۇندىلىقتارمەن ساباقتاستىرا وتىرىپ باياندايدى.

نۇرسۇلتان نازاربايەۆتىڭ «ۇلى دالا ۇلاعاتتارى» اتتى جاڭا تۋىندىسىنىڭ تولىق نۇسقاسىن «ەگەمەن قازاقستان» گازەتىنەن وقي الاسىزدار.