كونگو پوليتسياسى پرەزيدەنتتىك سايلاۋدى كەيىنگە شەگەرۋگە قارسى بولعانداردى اتىپ تاستادى
19- قىركۇيەكتە مىڭداعان ادام پرەزيدەنت جوزەف كابيلاعا نارازىلىق ءبىلدىرىپ، ونىڭ پرەزيدەنتتىك سايلاۋدى كەيىنگە شەگەرۋىنە قارسىىىلىق تانىتتى، دەپ حابارلادى Reuters.
قۇقىق قورعاۋشىلاردىڭ مالىمەتتەرىنشە، پوليتسيا قىزمەتكەرلەرى 25 نارازىلىق ءبىلدىرۋشىنى اتىپ تاستاعان.
كابيلانىڭ وكىلەتتىلىك مەرزىمى جەلتوقسان ايىندا اياقتالادى. وپپوزيتسيا ونى قاراشا ايىندا ءوتۋى ءتيىس سايلاۋدى كەيىنگە شەگەرۋ ارقىلى ءوزىنىڭ مەرزىمىن ۇزارتۋدى كوزدەپ وتىر دەپ ايىپتادى. پرەزيدەنتتى جاقتاۋشىلار مۇنى جوققا شىعاردى.
«رەسمي دەرەكتەرگە سايكەس، كينشاستا 17 ادام اجال قۇشتى. ونىڭ 3 ءۋى پوليتسيا قىزمەتكەرى، 14 ءى جەرگىلىكتى تۇرعىن»، - دەدى پوليتسيا وكىلى كلود پەرو لۋۆارا.
پوليتسيا مەرت بولعان 14 تۇرعىننىڭ توناۋشىلار بولعانىن ايتتى. «ادىلەتتىلىككە قول جەتكىزۋدى قولدايتىن «كونگولەز قاۋىمداستىعى» جەرگىلىكتى ۇكىمەتتىك ەمەس ۇيىمىنىڭ باسشىسى جورج كاپيامبا كۇش قۇرىلىمدارى وكىلدەرىنىڭ 25 ادامدى اتقانىن مالىمدەدى.
كەشكە قاراي رەسپۋبليكاداعى نەگىزگى وپپوزيتسيالىق پارتيالاردىڭ ءبىرىنىڭ شتاب-پاتەرى ورتەندى. عيماراتتان وتقا ورانعان ءۇش ادامنىڭ ءمايىتى تابىلدى.
