توقتار تولەشوۆتىڭ ايەلى مەن توقالدارى تۋرالى نە بىلەمىز؟ -فوتو
NUR. KZ پورتالى تانىمال كاسىپكەردىڭ شالقىعان وتباسىلىق ءومىرى تۋرالى مالىمەتتەردى نازارلارىڭىزعا ۇسىنادى.
توقتاردىڭ بارلىق سۇيىكتى ايەلدەرى 2 ميلليون 282 مىڭ تەڭگەدەن جالاقى الىپ وتىرعانى تۋرالى اقپارات otyrar.kz سايتىندا جاريا ەتىلگەن. ولار زاۋىتتا ءارتۇرلى سۇراقتار بويىنشا جاۋاپ بەرەتىن ديرەكتوردىڭ ورىنباسارى بولعانعا ۇقسايدى.
«ءتورت ايەلى جۇمىس ىستەمەيتىن، جۇمىسقا كەلمەيتىن، ولار بىزدە جالعان تۇردە تىزىمدە تۇراتىن. الايدا ايلىق الاتىن. ماسەلەن سالتىنبەكوۆا ساۋلە ەكونوميكا ماسەلەسى بويىنشا باس ديرەكتوردىڭ ورىنباسارى بولدى. ەسەنبايەۆا نازيا اقپاراتتى قورعاۋ ماسەلەسى بويىنشا باس ديرەكتوردىڭ ورىنباسارى، نۇراليەۆا دينا سىرتقى ەكونوميكالىق قىزمەت بويىنشا باس ديرەكتوردىڭ ورىنباسارى قىزمەتىندە بولدى. ال جورابايەۆا ورازكۇل ستارتەگيالىق جوسپارلاۋ بويىنشا باس ديرەكتوردىڭ ورىنباسارى قىزمەتىن اتقاردى»، - دەيدى زاۋىت قىزمەتكەرى.
مەكەمە اي سايىن تولەشوۆتەردىڭ وتباسىن اسىراۋ ءۇشىن 60 ميلليون تەڭگە جۇمسايتىن دەپ حابارلايدى «ك ت ك» ارناسى. ول كىرىستەردى ادىلەتتى ءبولىپ جاتقانىنا بارلىعىن سەندىرەتىن. بۇل رەتتە سىرا زاۋىتىنىڭ قىزمەتكەرلەرى تيىن عانا الاتىن، ءتىپتى ايلاپ جالاقى دا المايتىن. ولار وزدەرىن قۇل سەكىلدى سەزىنەتىنىن دە ايتادى.
«ءبىزدى باعالمايتىن ەدى. ءبىزدى اسپاز رەتىندە مۇلدە ادام قاتارىنا قوسپايتىن. كۇن-ءتۇن دەمەي قىزمەت ەتەتىنبىز. اقشا تولەمەيتىن. جۇمىس جانە جۇمىس»، - دەپ اڭگىمەلەدى اسپاز.
تولەشوۆتىڭ توقالدارىنىڭ اراسىنداعى ەڭ تانىمالى - دينا نۇراليەۆا. ول «قازاقستان ارۋى-2005» اتاعىنا يە بولعان. بويجەتكەن بۇگىندە ديزاينەرلىك قىرىنان دا تانىلىپ ءجۇر. شىمكەنتتىك ارۋ 2009-جىلعى «الەم ارۋى» بايقاۋىندا توپ-16 ارۋدىڭ تىزىمىنە كىرگەن. بويى - 175 سانتيمەتر، دەنە ءبىتىمى - 85-60-89.
دينا - «شىمكەنت ارۋى» بايقاۋىن ۇيىمداستىراتىن ءسان اگەنتتىگىنىڭ ديرەكتورى دەپ جازادى today.kz. كاسىپكەر كۇيەۋگە شىققان، كىشكەنتاي قىزى بار دەپ كورسەتىلگەن سايتتا.
تولەشوۆتىڭ بالالارى
«تەررورلىق قاتەرلەردى ساراپتاۋ ورتالىعىنىڭ» مالىمەتىنە سايكەس، تولەشوۆتىڭ 13 بالاسى بار. الايدا ولاردىڭ اراسىندا قوعام جاقسى تانيتىندارى - سيەۆيل مەن دانيەل.
تولەشوۆ بالالارى ءۇشىن ەشنارسە اياماعان. ولار ۇيىمداستىرعان جابىق كەشتەردە ەليتالىق ىشىمدىكتەر سۋداي اعىپ جاتاتىن دەپ حابارلايدى «ك ت ك» ارناسى. ايرىقشا جابدىقتالعان بولمەدە جاستاردىڭ كوڭىلىن يۆان دورن، مارسەل توبى، تيماتي سەكىلدى رەسەي جۇلدىزدارى مەن تەلەجۇرگىزۋشىلەرى كوتەرەتىن.
ول ءوز جاقىندارىنا كەرەمەت سالتاناتتى كەشتەردى ۇيىمداستىرا بىلەتىن، تۋعان كۇندەردى ەرەكشە وتكىزۋ ءۇشىن ونداعان مىڭ دوللار جۇمسايتىن.
«مەنىڭ اكەم وسى ومىردەگى ەڭ سىيلى ادام. مەن ونى بارلىعىنان قادىر تۇتام، اكەمنەن باسقا ادامدى قۇرمەت تۇتىپ كورگەن جوقپىن. مەن باسقا ادامدى قۇرمەت تۇتپايمىن دەپ ۇمىتتەنەم»، - دەپ ءوز ويىن ايتىپ تاستادى تولەشوۆتىڭ ورتانشى قىزى سيەۆيل.
بويجەتكەن شىن مانىسىندە ەشكىمدى سىيلاماعان. ءوزىنىڭ دوستارىمەن ول ۇنەمى كلۋبتارعا باراتىن. ول جەردە بولعانداردىڭ بارلىعى وزدەرىنىڭ قاۋىپسىزدىگى ءۇشىن وعان جولاماۋعا تىرىساتىن.
سيەۆيل قانداي نارسە جاساسا دا ول ەشبىر جاۋاپقا تارتىلماعان. اكەسى قىزىنىڭ شىمكەنتتە جاساعان ارەكەتتەرىنە كوز جۇما قاراعان.
ونىڭ اكەسىنەن العان قىمبات سىيلىقتارىنىڭ اراسىندا بىرنەشە مىڭ دوللار تۇراتىن Rolex ساعاتتارى مەن Bentley اۆتوكولىگى بولعان.
توقتار تولەشوۆتىڭ قىزى سىرا زاۋىتىنىڭ ءدال قاسىندا تۇرعان. ارنايى ول ءۇشىن ىشىندە بارلىق جاعدايى جاسالعان ءۇي-جاي تۇرعىزعان.
بويجەتكەن كەز-كەلگەن ۋاقىتتا ەليتالىق تاعامعا تاپسىرىس بەرە الاتىن. ونى تومەنگى قاباتتا دايىندايتىن. تاعامداردى ارنايى اسپازدار جاساپ، جەكە داياشىلار ونى ستولعا اكەپ بەرەتىن بولعان. قىزمەتشىلەر ءۇي يەسىنىڭ كەز كەلگەن قيسىنسىز تىلەكتەرىن ورىندايتىن.
تولەشوۆتەر وتباسى قالادا جوعارى ساناتتاعى كولىكتەرمەن ءجۇرىپ-تۇرعان. ولاردىڭ وراسان زور اۆتوتۇراعىندا كەز كەلگەن اۆتوكولىكتى تابۋعا بولاتىن.
تولەشوۆتىڭ قىزى ايتكۇلدى ۇزاتۋ ءۇشىن جينالعان. بويجەتكەننىڭ اكەسى سالتاناتتى مەرەكە ءۇشىن 700 مىڭ دوللارىن اياعان جوق.
ال كىشى قىزىنىڭ تۋعان كۇنى «ۆلاستەلين كولەتس» گولليۆۋدتىق بلوكباستەر جەلىسىمەن وتكەنى جۇرتتىڭ ەرەكشە نازارىنا ىلىككەن بولاتىن. تۋعان كۇن يەسى فيلمنىڭ باستى كەيىپكەرلەرىنىڭ ءبىرى - ەلفتەر حانشايىمى ارۆەننىڭ كەيپىندە جۇرسە، اكەسى ەلفتەر پاتشاسى - ەرلوند سەكىلدى كيىنگەن.
تۋعان كۇنگە فيلم كەيىپكەرلەرى سەكىلدى كيىنگەن قوناقتار جينالعان - ەلفتەر، حوببيتتەر، وركتەر، سيقىرشىلار، ءتىپتى قارا ارۋاقتار - سالت اتتىلار دا بولعان. ءتۇرلى بەزەندىرۋلەرمەن وتكەن تۋعان كۇندە «حوبيتتەر اۋىلى»، وزەن، شايقاس الاڭدارى دا فيلمگە ۇقساتىلىپ قويىلعان.
بولجام بويىنشا، شاقىرىلعان باستى ارتىستەر قاتارىندا رەسەيلىك M- Band توبى بار.
