بانگلادەشتە ءبىر باستى ەگىزدەر دۇنيەگە كەلدى - كەسكىن

استانا. قازاقپارات - بۇكىل الەم دارىگەرلەرى رابيا جانە رۋكيا ەسىمدى سيام ەگىزدەرىن قالاي اجىراتۋدى ويلاپ باس قاتىرۋدا.

قىزداردىڭ ميى بولەك، الايدا ونىڭ قابىرشاعى ورتاق.

جۇيكە تىندەرى مەن قانتامىرلارىن ميلليمەتر ميلليمەترلەپ اجىراتۋ قاجەت. وپەراتسيانىڭ ءساتتى اياقتالۋ مۇمكىندىگى 50/50. بۇلدىرشىندەردىڭ ەكەۋ ەكەنى جانە ولاردىڭ باسى بىرىككەنى تۋرالى تەك تۋعاننان كەيىن بەلگىلى بولعان. «ۋدز-دا دارىگەرلەر ەشقانداي اۋىتقۋدى انىقتاعان جوق. الايدا 8- ايدا مەن اۋىرا باستادىم. دارىگەرلەر بالانىڭ باسى دەنەسىنەن ۇلكەن ەكەنىن ايتىپ، ونى ميىنداعى سۋدىڭ كەسىرىنەن دەپ بولجامدادى. ولار ماعان ءدارى جازىپ بەردى»، - دەيدى سيام ەگىزدەرىنىڭ اناسى تاسليما حاتۋن. ەندى دارىگەرلەر الدىندا قيىن تاڭداۋ تۇر - ەگىزدەردىڭ تەك بىرەۋى عانا امان قالادى. ال ەگەر وپەراتسيا ءساتسىز اياقتالسا، ەكەۋى دە كوز جۇمادى.