قازاقستان ۋكراينالىق رەاكتورلارعا ارناپ يادرولىق وتىن وندىرەدى
قازاقستاننىڭ اتوم كومپانياسى مەن ۋكراينانىڭ ەنەرگەتيكالىق مەكەمەسىنىڭ باسشىلارى ىنتىماقتاستىق ۆەكتورلارىن انىقتاپ بەرگەن بۇرىنعى كەزدەسۋدىڭ تيىمدىلىگىن اتاي وتىرىپ، اتوم ەنەرگەتيكاسى سالاسىنداعى بۇدان بىلايعى ىنتىماقتاستىق ماسەلەلەرىن تالقىلادى.
«قازاتوم ونەركاسىپ» كومپانياسى قوعاممەن بايلانىس دەپارتامەنتىنەن ءمالىم ەتكەندەي، كەزدەسۋدە نەگىزىنەن ۋكراينالىق رەاكتورلارعا ارناپ يادرولىق وتىن ءوندىرۋ ماسەلەلەرىنە نازار اۋدارىلدى. يگور ناساليك ۋكراينالىق ا ە س- تەر قاجەتىن قاناعاتتاندىرۋ ءۇشىن قازاقستان اۋماعىندا جىلۋ بولگىش قۇرامالاردى شىعارۋدى ءوزارا ءتيىمدى ۇيىمداستىرۋعا مۇددەلى جانە وعان دايىن ەكەندىگىن ايتتى.
سونداي-اق ول، ۋكراينا الدىندا يادرولىق وتىن جانە ونىڭ قۇرامداس بولىكتەرىن جەتكىزۋدى ءارتاراپتاندىرۋ مىندەتى تۇرعانىن، سول سەبەپتى قازاقستان بايىتىلعان ۋران تۇرىندەگى ۋران ونىمدەرىن جەتكىزىپ بەرۋ بويىنشا سەنىمدى سەرىكتەس بولۋى مۇمكىندىگىن اتاپ كورسەتتى.
ايتا كەتەيىك، بۇل ۋكراينالىق ءمينيستردىڭ قازاقستانعا ەكىنشى ساپارى. العاشقى كەزدەسۋدىڭ قورىتىندىسى بويىنشا، ەكىجاقتى ىنتىماقتاستىق جونىندەگى ۇسىنىستاردى تەرەڭ تالداۋمەن شۇعىلداناتىن جۇمىس توبى قۇرىلعان بولاتىن.
