استانادا قازاقستان حالقى تىلدەرىنىڭ فەستيۆالى وتەدى

استانا. قازاقپارات - 22- قىركۇيەك كۇنى ساعات 16:00 دە استاناداعى كونگرەسس-حولل سارايىندا XVІII قازاقستان حالقى تىلدەرىنىڭ قالالىق فەستيۆالى وتەدى، دەپ حابارلايدى astana.gov.kz.

بيىل فەستيۆال قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالادى.

شاراعا ق ر پارلامەنتى ءماجىلىسىنىڭ دەپۋتاتتارى، زيالى قاۋىم وكىلدەرى، ارداگەرلەر مەن كوپبالالى انالار جانە ت. ب. قاتىسادى. سونىمەن قاتار، كەشتە ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ارتىستەرى مەن ەسترادا جۇلدىزدارى ونەر كورسەتەدى.

ەسكە سالايىق، ەلباسىنىڭ 1998-جىلدىڭ 20- قاڭتارىنداعى 3827№  جارلىعىنا سايكەس، قىركۇيەك ايىنىڭ ءۇشىنشى جەكسەنبىسىندە قازاقستان حالقىنىڭ تىلدەرى كۇنى مەرەكەلەنەدى.