سەنات ءتوراعاسى ن. ورازالينگە قۇرمەت گراموتاسىن تابىس ەتتى

استانا. قازاقپارات - سەنات ءتوراعاسى قاسىم-جومارت توقايەۆ پارلامەنتتىڭ جوعارعى پالاتاسىنىڭ بۇرىنعى دەپۋتاتى نۇرلان ورازالينگە قۇرمەت گراموتاسىن تابىس ەتتى.

سەناتوردىڭ وكىلەتتىگى قازاقستان رەسپۋبليكاسى پرەزيدەنتىنىڭ جارلىعىمەن توقتاتىلعان بولاتىن.

ن. ورازالين مەملەكەت باسشىسىنىڭ ستراتەگياسى مەن رەفورمالارىن زاڭنامالىق تۇرعىدا قامتاماسىز ەتۋگە ەلەۋلى ۇلەس قوسقانى ءۇشىن ماراپاتتالدى.

ق. توقايەۆ بۇرىنعى سەناتوردىڭ كاسىبي بىلىكتىلىگى مەن پرينتسيپشىلدىگىن اتاپ ءوتتى جانە زاڭ جوبالارى بويىنشا بەلسەندى ءارى ناتيجەلى جۇمىسى ءۇشىن العىس ايتتى. پالاتا باسشىسى ن. ورازالينگە قازاقستان جازۋشىلار وداعىنىڭ ءتوراعاسى لاۋازىمىندا تابىستى قىزمەت ەتۋىنە تىلەكتەستىگىن ءبىلدىردى.

كەزدەسۋگە قاتىسقان سەنات بيۋروسىنىڭ مۇشەلەرى دە ارىپتەسىنە، بەسىنشى جانە التىنشى شاقىرىلىمداعى پارلامەنتتىڭ دەپۋتاتىنا ريزاشىلىق ءبىلدىردى.