19:16, 20 - قىركۇيەك 2016 | GMT +5
تىكۇشاق كۇن باتارەياسىمەن العاشقى ۇشىرىلىمىن جاسادى - كەسكىن
استانا. قازاقپارات - مەريلەند شتاتىنداعى ۋنيۆەرسيتەت ستۋدەنتتەرىنەن قۇرالعان كوماندا كۇن پانەلدەرىمەن جاراقتالعان ءتورت روتورلى تىكۇشاق ازىرلەدى، دەپ حابارلايدى nat-geo.ru.
اۋە كەمەسى اۋادا توعىز سەكۋند بولدى، بۇل رەتتە ول 30 سانتيمەتردەن استام بيىكتىككە كوتەرىلدى. اعايىندى رايتتاردىڭ العاشقى ۇشىرىلىمى 12 سەكۋندقا سوزىلعان.
تىكۇشاقتى قۇراستىرعان كوماندا بۇدان بۇرىن پەدالمەن جۇمىس ىستەگەن تاريحتاعى ەڭ ۇزاق تىكۇشاق ۇشىرىلىم جاساعانىمەن ەرەكشەلەنگەن. بۇل تىكۇشاقتىڭ كونسترۋكتسياسى ءىشىنارا الدىڭعى ۇشۋ اپپاراتىنىڭ سىزبالارىنا نەگىزدەلگەن.
«جەتى جىلدا جوبا مەحانيكالىق قورەكتەندىرۋدەن تازا ەنەرگياعا دەيىن ۇزاق سىناقتان ءوتتى»، - دەپ حابارلادى ۋنيۆەرسيتەتتىڭ دوكتورانتى ۋيليام ستارۋك.
