18:32, 20 - قىركۇيەك 2016 | GMT +6
قىرعىزستان پرەزيدەنتى تۇرىك دارىگەرلەرىنىڭ باقىلاۋىندا
استانا. قازاقپارات - قىرعىزستان پرەزيدەنتى المازبەك اتامبايەۆ اتاتۇرىك اۋەجايىندا ءوزىن جايسىز سەزىنگەننەن كەيىن ساۋىقتىرۋدان وتۋدە، ا ق ش- قا ساپارىن كەيىنگە قالدىرۋعا ءماجبۇر.
بۇل تۋرالى تۇركيانىڭ انادولۋ اگەنتتىگى حابارلادى.
بەلگىلى بولعانداي، اتامبايەۆ مىنگەن ۇشاق تۇندە يزميردىڭ اندنان مەندەرەس اتىنداعى حالىقارالىق اۋەجايىنا قوندى. قىرعىزستان پرەزيدەنتىنىڭ دەنساۋلىعى كۇرت ناشارلاپ، ول اۋرۋحاناعا جەتكىزىلگەن.
قازىر المازبەك اتامبايەۆ چەشمە قوناقۇيلەرىنىڭ بىرىندە. ونىڭ دەنساۋلىعى دارىگەرلەردىڭ ءجىتى باقىلاۋىندا. عيماراتتا جەدەل جاردەم كولىگى كەزەكشىلىك ەتۋدە. قىرعىزستان پرەزيدەنتى قىركۇيەك سوڭىنا دەيىن تۇركيادا تىڭعىلىقتى مەديتسينالىق تەكسەرۋدەن وتەدى.
ەسكە سالا كەتسەك، كەشە ب ۇ ۇ باس اسسامبلەياسىنىڭ 71- سەسسياسىنا قاتىسۋ ءۇشىن بىشكەكتەن ۇشىپ شىعىپ نيۋ-يورككە بەت العان جولدا قىرعىز رەسپۋبليكاسىنىڭ پرەزيدەنتى المازبەك اتامبايەۆ جۇرەگى اۋىرعاندىقتان ساپارىن توقتاتقان بولاتىن.
