ءولىم جازاسى قىلمىسكەرلەردى توقتاتا المايدى - ق. ءمامي
وقىرماندار اراسىندا ەڭ كوپ رەيتينگ جيناعان سۇراقتىڭ ءبىرى - ءولىم جازاسىنا جاريالانعان موراتوريگە قاتىستى بولدى.
«قۇرمەتتى قايرات ءمامي. قازىر قازاقستاندا تەرروريستەر دە، پەدوفيلدەر دە، ادامدى اياۋسىز ولتىرەتىن قىلمىسكەرلەر دە كوبەيدى. قوعام قايراتكەرلەرى مەن دەپۋتاتتار وسىنداي ىستەر بويىنشا ءولىم جازاسىنا قويىلعان موراتوريدى الىپ تاستاۋ تۋرالى پىكىر ءبىلدىردى. مەنىڭ ءوز باسىم بۇل ۇسىنىسپەن كەلىسەمىن. بۇعان قاتىستى ءسىزدىڭ پىكىرىڭىز قانداي؟»، - دەگەن الماتى تۇرعىنى الەكساندر.
«الماتىدا تەرروريزمگە قاتىستى قىلمىستىق ىستەن كەيىن، التى جاسار ءبۇلدىرشىن زورلانعان اقتاۋ وقيعاسىنان كەيىن بۇل ماسەلە كوپتىڭ اۋزىنان تۇسپەيتىن بولدى. قازىرگى قولدانىستاعى قىلمىستىق كودەكسكە ساي، وسىنداي قىلمىسكەرلەرگە ەڭ اۋىر جازا قولدانامىز. ءتىپتى، ولاردى ءومىر بويى باس بوستاندىعىنان ايىرامىز. ءولىم جازاسىن قايتا ەنگىزۋ ماسەلەسىن ارينە زەرتتەۋ كەرەك. ءبىراق، قىلمىستىق كودەكسكە ءولىم جازاسىن قايتا ەنگىزىپ، ءولىم جازاسىن قولدانۋ قىلمىسكەرلەردى توقتاتادى دەپ ويلامايمىن. قىلمىسكەرلەر ءولىم جازاسىنان قورقىپ، قىلمىسقا بارماي قويمايدى. ادام قىلمىسقا ءارتۇرلى سەبەپپەن بارادى»، - دەپ جاۋاپ بەرگەن ق. ءمامي.
