استانادا حالىقارالىق قارجى ورتالىعىن قۇرۋعا قىتايلىقتار اتسالىسادى
تاجىريبە الماسۋ ماقساتىندا جانە ينۆەستيتسيالىق سالاداعى ىنتىماقتاستىقتى ءارى قاراي كەڭەيتۋ ءۇشىن شاڭحاي قور بيرجاسى مەن قىتاي حالىق رەسپۋبليكاسى جىبەك جولى قورىنىڭ بىرلەسكەن دەلەگاتسياسى استانا قالاسىنا ءىس ساپارمەن كەلدى.
كەزدەسۋ كەزىندە ا ح ق و جەتەكشىسى قايرات كەلىمبەتوۆ قىتاي دەلەگاتسياسىن ق ر پرەزيدەنتى نۇرسۇلتان نازاربايەۆتىڭ ا ح ق و قۇرۋ جونىندەگى باستاماسىمەن تانىستىردى. ق. كەلىمبەتوۆ قازاقستاننىڭ باستى ماقساتى - الەمدىك پراكتيكاعا ساي جۇمىس ىستەيتىن عالامدىق ينۆەستورلار مەن قاتىسۋشىلاردى تارتۋ ارقىلى استانادا ءىرى حالىقارالىق قارجى قىزمەت ۇسىناتىن حالىقارالىق قارجى ورتالىعىن قۇرۋ ەكەندىگىن ايتتى. ول سونىمەن قاتار، سوڭعى 15 جىلدا قىتايدىڭ حالىقارالىق قارجى نارىعىنداعى ءىرى ويىنشىعا اينالعانىن، وعان شاڭحايداعى ءساتتى ءىس-قيمىلدىڭ اسەرى بار ەكەندىگىن جانە ا ح ق و ورتالىعى ءۇشىن بۇل تاجىريبەنىڭ اسا قىزىقتى ەكەندىگىنە توقتالدى.
شاڭحاي قور بيرجاسىنىڭ اتقارۋشى ۆيتسە-پرەزيدەنتى تسيۋە بو قىتاي تاراپىنىڭ ا ح ق و- نىڭ استانا قالاسىندا قور بيرجاسىن قۇرۋعا ىقپال ەتۋگە مۇددەلى ەكەندىگىن جانە جىبەك جولى قورىنىڭ قولداۋى بويىنشا ستراتەگيالىق ارىپتەس بولۋعا ىقىلاس تانىتاتىنىن ايتتى.
جىبەك جولى قورىنىڭ ءبىرىنشى ۆيتسە-پرەزيدەنتى دين گۋوجۋن قوردىڭ «ءبىر بەلدەۋ، ءبىر جول» ستراتەگياسى اياسىنداعى نەگىزگى قاعيدالاردى جۇزەگە اسىرۋ بويىنشا جانە «جىبەك جولىنىڭ ەكونوميكالىق بەلدەۋى»، قازاقستاننىڭ عانا ەمەس، جالپى، ورتالىق ازيا ەلدەرىنىڭ ەكونوميكالارىنىڭ دامۋىنا ىقپال ەتەتىن باعدارلاما شەڭبەرىندە ەلدەردىڭ ىنتىماقتاستىعىن ارتتىرۋ ءۇشىن ينۆەستيالىق جۇمىستى بۇدان ءارى بەلسەندىرۋدىڭ جاڭا مۇمكىندىكتەرىن قاراستىرۋعا دايىن ەكەندىكتەرىن ءبىلدىردى.
كەزدەسۋلەردىڭ قورىتىندىسى بويىنشا، ا ح ق و مەن شاڭحاي قور بيرجاسى ىنتىماقتاستىق جونىندەگى مەموراندۋمعا قول قويدى.
«مەموراندۋمعا قول قويۋ - ەكى تاراپقا دا ماڭىزدى وقيعا. استانادا حالىقارالىق قارجى ورتالىعى قۇرىلعالى جاتىر. بۇل ورتالىقتىڭ اياسىندا دا بيرجا بولادى. شاڭحاي بيرجاسى وسىندا رەسمي سەرىكتەستەردىڭ ءبىرى بولۋى ىقتيمال. مەموراندۋم ءبىز 1 جىل بويى اتقارعان قىرۋار جۇمىستىڭ قورىتىندىسى. وعان قول قويعانىمىز جاقسى بولدى، سەبەبى ول بولاشاق جۇمىستارىمىزدىڭ باستاۋى»، - دەيدى شاڭحاي قور بيرجاسىنىڭ اتقارۋشى ۆيتسە-پرەزيدەنتى تسيۋە بو.
ايتا كەتۋ كەرەك، شاڭحاي بيرجاسى حالىقارالىق قارجى نارىعىندا 26 جىلدان بەرى قىزمەت ەتىپ كەلەدى.
«قازىرگى ۋاقىتتا ول الەمدىك بيرجالاردىڭ ىشىندە جەتەكشى ورىندارعا كوتەرىلدى. ۇلكەن تاجىريبە جيناقتالدى، بۇل تاجىريبە سىزدەردىڭ بولاشاق قارجى ورتالىقتارىڭىزعا قاجەت بولادى دەپ سەنەمىز. وسىنىڭ نەگىزىندە ءبىز بىرىگە وتىرىپ، استانادا حالىقارالىق قارجى پلاتفورماسىن جاساي الامىز دەگەن ويدامىن»، - دەپ ءتۇيدى ءسوزىن ت س. بو مىرزا.
ق ح ر دەلەگاتسياسى، سونىمەن قاتار، «بايتەرەك» ۇلتتىق باسقارۋشى حولدينگى»، «سامۇرىق-قازىنا» ۇلتتىق ءال-اۋقات قورى باسشىلىعىمەن كەلىسسوزدەر جۇرگىزىپ، «استانا ەكسپو-2017» كورمە اۋماعىن ارالاپ كوردى.
2015-جىلى جەلتوقسان ايىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ «استانا» حالىقارالىق قارجى ورتالىعىن (ا ح ق و) قۇرۋ تۋرالى زاڭعا قول قويدى. ا ح ق و- نىڭ ماقساتى - قارجىلىق قىزمەتتەردى كورسەتەتىن حالىقارالىق دەڭگەيدەگى جەتەكشى ورتالىق قالىپتاستىرۋ. پوست كەڭەستىك كەڭىستىكتە تۇڭعىش رەت اعىلشىن قۇقىعىنىڭ قاعيداتتارى ەنگىزىلەدى، قارجى ورتالىعىنىڭ رەسمي ءتىلى - اعىلشىن ءتىلى بولادى.
ا ح ق و- نىڭ مىندەتتەرى قارجىلىق قىزمەتتەر سالاسىندا ينۆەستيتسيالاۋ ءۇشىن تارتىمدى ورتا قۇرۋ ارقىلى ەل ەكونوميكاسىنا ينۆەستيتسيالار تارتۋعا جاردەمدەسۋ، قازاقستاننىڭ باعالى قاعازدار نارىعىن دامىتۋ، ونىڭ حالىقارالىق كاپيتال نارىقتارىمەن ىقپالداسۋىن قامتاماسىز ەتۋ بولىپ تابىلادى. ا ح ق و سونداي-اق ەلىمىزدە ساقتاندىرۋ، بانك قىزمەتتەرى مەن يسلامدىق قارجىلاندىرۋ نارىعىن دامىتۋعا نيەتتەنەدى.
اۆتور: جاسۇلان جولدىبايەۆ
