دانيار اقىشەۆ جاستاردى ۇلتتىق بانككە «كوكەسىز» جۇمىسقا ورنالاسۋعا شاقىردى
«اكسيا «ۇلتتىق بانككە ءوز بىلىمىڭە عانا سۇيەنىپ، «تىرەۋسىز» جۇمىسقا ورنالاس» دەپ اتالادى. ول ءۇشىن نە كەرەك؟ ماماننىڭ اعىلشىن ءتىلىن يگەرگەن ءبىلىمدى بولۋى جانە تۇراقتى مىنەزى مەن الدىنا ماقسات قويا بىلەتىن جەكە باس قاسيەتى بولۋى كەرەك»، - دەدى د. اقىشەۆ.
ونىڭ ايتۋىنشا، ۇلتتىق بانك الدىنا قويىپ وتىرعان مىندەرتتەردى ەڭسەرۋ ءۇشىن ساپالى ماماندار قاجەت. ول ۇلتتىق بانك قولعا الىپ وتىرعان جاڭا باستامالارعا شەشىم قابىلداي الاتىن جاس ماماندارعا ءزارۋ ەكەنىن ايتتى.
«ءبىز جاس مامانداردى اقشا-نەسيە ساياساتى، قارجىلىق تۇراقتىلىقپەن قامتاماسىز ەتۋ، التىن-ۆاليۋتالىق اكتيۆتەردى باسقارۋ سىندى باستى باعىتتارعا جۇمىسقا تارتپاقپىز»، - دەدى ۇ ب ءتوراعاسى.
«ءوز ءبىلىمى مەن كۇشىن ەلىمىزدىڭ باستى قارجى ينستيتۋتىندا سىناپ كورگىسى كەلەتىن جاستاردى شاقىرامىز. ول ءۇشىن تەك قانا، ءوز تۇيىندەمەڭىزدى press@nationalbank.kz. ەلەكتروندى پوشتاسىنا جولداساڭىز بولعانى. بۇگىننەن باستاپ، ءبىز، 1 اي كولەمىندە تۇيىندەمەلەردى جيناقتايمىز. 2016-جىلدىڭ 20- قازانىنان كەيىن ۇمىتكەرلەردى ىرىكتەيمىز»، - دەدى ق ر ۇ ب ءتوراعاسى دانيار اقىشەۆ.
