14:19, 20 - قىركۇيەك 2016 | GMT +5
دانيار اقىشيەۆ: وقۋشىنىڭ مەكتەپتەگى ساباققا دەگەن ىنتاسى بولاشاق مانسابىنا اسەر ەتەدى
الماتى. قازاقپارات - ۇلتتىق بانك ءتوراعاسى دانيار اقىشيەۆ Kapital.kz پورتالىنا بەرگەن ونلاين- كونفەرەنسيادا جەكە باسىنا قاتىستى ءبىرقاتار سۇراقتارعا جاۋاپ بەردى،
دەپ حابارلايدى «قازاقپارات» ءتىلشىسى.
باس بانكير وقۋشى كەزىندە گەومەتريا جانە الگەبرا ءپانىن جاقسى كورىپ وقىعانىن جانە ەسەيگەندە الاتاۋدا سەرۋەندەگەندى ۇناتقانىن ايتتى.
«مەن قىزىعىپ وقيتىن بىرنەشە ءپان بولدى. سونىڭ ىشىندە، گەومەتريا، الگەبرا، فيزيكا، حيميا پاندەرى ەرەكشە ۇنايتىن»، - دەدى دانيار اقىشيەۆ.
سونىمەن قاتار، ول قولى قالت ەتكەندە سپورتپەن شۇعىلداناتىنىن ايتتى.
«وسىدان 10 جىل بۇرىن ىلە جانە كۇنگەي الاتاۋىندا سەرۋەندەيتىن ەدىم. جالپى، مەن وقۋشىنىڭ مەكتەپ قابىرعاسىندا ساباققا دەگەن ىنتاسى بولاشاق مانسابىنا اسەر ەتەدى دەپ ەسەپتەيمىن. سوندىقتان، مەن ۇزدىك وقۋشىلار جاعىندامىن»، - دەدى ۇ ب ءتوراعاسى.
