قىرعىزستان پرەزيدەنتى مەديتسينالىق تەكسەرىستەن ءوتۋ ءۇشىن دەمالىس الدى
بۇل تۋرالى سەيسەنبى كۇنى ت ا س س اگەنتتىگىنە مەملەكەت باسشىسىنىڭ باسپا ءسوز قىزمەتى حابارلادى.
«پرەزيدەنت مۇقيات مەديتسينالىق تەكسەرىستەن ءوتۋ ءۇشىن بۇگىننەن باستاپ قىسقا مەرزىمدى دەمالىسقا كەتتى»، - دەپ مالىمدەدى باسپا ءسوز قىزمەتى. قىزمەتكەرلەردىڭ ايتۋىنشا، 1 - قازان كۇنى اتامبايەۆ بىشكەككە ورالىپ، جۇمىسىنا كىرىسۋى مۇمكىن. «مەملەكەت باسشىسىنىڭ دەنساۋلىق كۇيى ەش قاۋىپ تۋدىرمايدى»، - دەپ اتاپ ءوتتى باسپا ءسوز قىزمەتى.
دەنساۋلىعىنا بايلانىستى اتامبايەۆقا نيۋ- يورككە جۇمىس ساپارىنان - ب ۇ ۇ باس اسسامبلەياسى سەسسياسىنداعى جالپى دەباتقا قاتىسۋدان باس تارتۋعا تۋرا كەلدى. ا ق ش- قا اتتانباق بولعان مەملەكەت باسشىسى ستامبۇلداعى اتاتۇرىك اۋەجايىندا ءوزىن جايسىز سەزىندى. اۋەجايدا الدىن الا تەكسەرىس جۇرگىزىلىپ، پرەزيدەنتتەن جۇرەك اۋرۋى بەلگىلەرى بايقالعان. تۇرىك دارىگەرلەرى اتامبايەۆقا تەرەڭدەتىلگەن مەديتسينالىق تەكسەرۋدەن وتۋگە كەڭەس بەرگەن.
ب ۇ ۇ باس اسسامبلەياسى سەسسياسىندا رەسپۋبليكا دەلەگاتسياسىن قىرعىزستان سىرتقى ىستەر ءمينيسترى ەرلان ابدىلدايەۆ باسقارادى.
