تۇراقتاندىرۋ قورلارىنا بولىنگەن قارجى دەپوزيتتەردە جاتىر - بيشىمبايەۆ
بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ۇلتتىق ەكونوميكا ءمينيسترى قۋاندىق بيشىمبايەۆ ءمالىم ەتتى.
ونىڭ ايتۋىنشا، 25 - تامىزداعى جاعداي بويىنشا، رەسپۋبليكادا تۇراقتاندىرۋ قورلارىنداعى ازىق- تۇلىكتىڭ كولەمى 33 مىڭ توننانى قۇرايدى. ازىق- تۇلىكتىڭ ەڭ تومەن كولەمى اقتوبە، پاۆلودار، اقتوبە، ماڭعىستاۋ جانە قوستاناي وبلىستارىندا بايقالۋدا. بۇعان قوسا، تۇراقتاندىرۋ قورلارىنداعى قوردىڭ تومەن بولۋىنا قاراماستان اعىمداعى جىلى اقمولا، اقتوبە، پاۆلودار، سونىمەن قاتار استانا مەن الماتى قالالارى الەۋمەتتىك ماڭىزى بار ازىق- تۇلىك تاۋارلارىن مۇلدەم ساتىپ الماعان.
«بۇعان قوسا، بارلىق وڭىرلەردە تۇراقتاندىرۋ قورلارىن تولتىرۋعا ارنالىپ بولىنگەن اقشالاي قاراجاتتار ءتيىستى دەڭگەيدە قولدانىلمايدى. ماسەلەن، بۇگىنگى كۇنى اقشالاي قاراجات قالدىقتار تۇراقتاندىرۋ قورلارىنىڭ اعىمداعى جانە دەپوزيتتىك شوتتارىندا جاتقان 4 ميلليارد تەڭگەنى قۇرايدى»، - دەدى ق. بيشىمبايەۆ.
ءمينيستردىڭ سوزىنە قاراعاندا، جىل سايىن قويمالاردا جەكە تاۋارلار قورلارىنىڭ ازايۋىنا بايلانىستى باعا ءوسىمى ورىن الادى. ءبىرىنشى كەزەكتە ولار: جەمىستەر، كارتوپ، باستى پياز، قىرىققابات، اسحانالىق قىزىلشا، سونداي- اق تاۋىق جۇمىرتقاسى. باعا ءوسىمىنىڭ ۇدەمەلى كەزى مامىر- تامىز ايلارىنا ءدوپ كەلەدى.
«ازىق- تۇلىك تاۋارلارى باعاسىنىڭ وسىمىنە قارسى كۇرەسۋ ءۇشىن تەتىكتەر بار. اتاپ ايتقاندا، وڭىرلەردىڭ تۇراقتاندىرۋ قورلارىنان تاۋارلار ينتەرۆەنتسيالارىن وتكىزۋ. الايدا، ازىق- تۇلىك تاۋارلارى باعالارىنىڭ ءوسۋى جىل سايىن قايتالانۋدا. ال جەرگىلىكتى اتقارۋشى ورگاندار وسى جاعدايدى ەسكەرمەيدى، ىشكى نارىقتا جاعدايدى تۇراقتاندىرۋ ءۇشىن كەرەكتى شارالاردى ۋاقىتىلى قابىلدامايدى. بۇل ءجايت ۇيىمداستىرۋسىز قالعان»، - دەدى ول.
