قازاقستاندىق اسكەري قىزمەتشى ب ۇ ۇ باقىلاۋشىلار بازاسىنىڭ كومانديرى اتاندى - فوتو
ق ر قورعانىس مينيسترلىگىنىڭ باسپا ءسوز قىزمەتىنەن ءمالىم ەتكەندەي، اۋسارد جاۋاپكەرشىلىگىنىڭ ايماعى 43000 شارشى شاقىرىمدى قۇرايدى جانە اۋماعى بويىنشا وۋم درەگتەن كەيىن ەڭ كولەمدىلەردىڭ ءبىرى بولىپ تابىلادى. ول ماروككو كورولدىگى ارمياسىنىڭ باقىلاۋىنداعى بەرمانىڭ شىعىسىندا، باتىس ساحارانىڭ وڭتۇستىك بولىگىندەگى ورنالاسقان.
بازادا ءار ەلدەن، ياعني ارگەنتينا، بانگلادەش، برازيليا، گەرمانيا، گۆينەيا، مىسىر، يەمەن، قىتاي، سالۆادور، يندونەزيا، يرلانديا، مەكسيكا، پاكىستان، پورتۋگاليا، رەسەي جانە فرانسيادان جينالعان بارلىعى 45 اسكەري قىزمەتشى بار.
پودپولكوۆنيك اسقار قوجاعاليەۆ ميسسياعا 2015 -جىلدىڭ 25- قاراشاسىندا 12 اي مەرزىمگە جىبەرىلدى. ول ق ر ق ك اسكەري اكادەمياسىنىڭ تۇلەگى بولىپ تابىلادى. قازاقستاندىق بىتىمگەرشىلىك باتالوندا، قازاقستاندىق بىتىمگەرشىلىك بريگادادا، ق ر ق ك قۇرلىق اسكەرلەرىندە قىزمەت اتقاردى.
