قازاقستاندىق جۇلدىزدار ماسكەۋلىكتەرگە ۇمىتىلماس كەش سىيلادى

ماسكەۋ. قازاقپارات - كەشە ماسكەۋدەگى استانا كۇندەرى اياسىندا قازاقستان ساحناسىنىڭ جارىق جۇلدىزدارى مەملەكەتتىك كرەمل سارايىندا ۇمىتىلماس كەش سىيلادى: قازاق كۇيلەرى اۋەلەپ، الەمدىك كلاسسيكالىق مۋزىكا مەن زاماناۋي تۋىندىلار ورىندالدى.

شارانى سالتاناتتى تۇردە استانا اكىمى اسەت يسەكەشيەۆ پەن ماسكەۋ ۇكىمەتى ءمينيسترى، ماسكەۋ قالاسى سىرتقى ەكونوميكالىق جانە حالىقارالىق بايلانىس دەپارتامەنتىنىڭ باسشىسى سەرگەي چەرەمين اشتى.

مەملەكەتتىك كرەمل سارايىنىڭ ساحناسىندا ق ر حالىق ارتىستەرى - الىبەك دىنىشيەۆ، روزا رىمبايەۆا، ايمان مۇساقوجايەۆا، مايرا مۇحامەد قىزى، «سلاۆيانسكيي بازار - 2015» بايقاۋىنىڭ جەڭىمپازى ديماش قۇدايبەرگەن، بۇركىت پەن ايشا، «مۋزارت»، «فورمات»، «رينگو» توپتارى ونەر كورسەتتى.

استانا قالاسى مەملەكەتتىك فيلارمونياسىنىڭ قازاق حالىق اسپاپتار وركەسترى، «استانا» ەسترادالىق- سيمفونيالىق وركەسترى، «تۇران» ەستارادالىق- فولكلورلىق ءانسامبلى مەن «سەرپەر» دومبىراشىلار ءانسامبلىنىڭ سۇيەمەلدەۋىمەن «ناز» مەملەكەتتىك بي تەاترى مەن «شالقىما» حالىق بي ءانسامبلىنىڭ ۇجىمى قازاق حالىق بيلەرىن ورىندادى.

قازاقستاندىق ءازىل- سىقاقشىلار ماسكەۋلىك كورەرمەندەرگە زاماناۋي قازاقستاندىق ساتيرامەن تانىستىردى.

ساحناعا «ا- ستۋديو» توبىنىڭ شىعۋى دا حالىققا ەرەكشە اسەر سىيلادى.