ءار ەلدە مەكتەپ فورماسى قانداي؟
اعىلشىن فورماسى - ەسكى ۇلگىدە
بريتاندىق مەكتەپ فورماسىنىڭ ءستيلى كلاسسيكاعا نەگىزدەلگەن. ورتاڭعى سىنىپ وقۋشىلارى باتىس ستيلىندەگى ورتودوكسالدى فورما كيەدى. ەر بالالار كلاسسيكالىق كوستيۋم مەن گالستۋك تاعىپ، بىلعارى باتەڭكە كيەدى، قىزدار دا باتىس ستيلىندە كيىنەدى.
كورەيانىڭ فورماسى - دجەنتلمەندىك ۇلگىدە
ۇلدار جاعى اق كويلەك جانە باتىس ستيلىندەگى شالباردى كيسە، قىزدار اق جەيدە، جاكەت، قارا يۋبكا جانە گالستۋك تاعادى.
جاپونيا فورماسى - تەڭىزشىلەر كيىمىنە ۇقسايدى
جاپون وقۋشىلارى ءۇشىن مەكتەپ فورماسى تەك مەكتەپتىڭ سيمۆولى عانا ەمەس، زاماناۋي ءساننىڭ اعىمى بولىپ سانالادى. ءتىپتى، مەكتەپ تاڭداۋدىڭ فاكتورى بولىپ تا تابىلادى. سول سەبەپتى، مەكتەپ فورماسىن ماتروس كوستيۋمى دەپ اتايدى. سونداي- اق، مەكتەپ فورماسىنا انيمەنىڭ ەلەمەنتتەرىن قولدانادى.
مالايزيانىڭ مەكتەپ كيىمى - مۇسىلماندىق ۇلگىدە
مالايزيادا وقيتىنداردىڭ ءبارى قاتاڭ ەرەجەگە باعىنادى. قىزداردىڭ كويلەگىنىڭ ەتەگى ۇزىن، تىزەسىن جاۋىپ تۇراتىن، ال كويلەكتىڭ جەڭى بىلەكتى جاۋىپ تۇرۋى ءتيىس. بۇلاردىڭ مەكتەپ فورماسى وتە كونسەرۆاتيۆتى.
اۆستراليا - ۇلدار مەن قىزدار فورماسىندا ايىرما از
اۆستراليا وقۋشىلارى (ەر بالا، قىز بالا بولسىن) قارا بىلعارى تۋفلي، اق ناسكي كيۋى كەرەك. ولار مەكتەپ فورماسىن بارلىق ۋاقىتتا كيىپ جۇرەدى ەكەن. تەك دەنە شىنىقتىرۋ ءپانى كەزىندە عانا اۋىستىرادى.
بۋتان مەكتەپ فورماسى وتە قولايلى
بۋتان وقۋشىلارى سومكە دە، پورتفەل دە اسىنبايدى. ولار بارلىق زاتىن، كىتاپتارىن كيىمدەرىنىڭ ىشىنە سالىپ ارقالاپ كەلەدى.
ا ق ش فورماسى - ەڭ ەركىن ستيل
امەريكا قۇراما شتاتىندا وقۋشىلار ءۇشىن كيىم تاڭداۋدا شەكتەۋ جوق. ولار مەكتەپ فورماسىن كيۋ، كيمەۋدى وزدەرى شەشەدى.
ومان فورماسى - ەڭ ۇلتتىق ۇلگى
ومان وقۋشىلارىنىڭ مەكتەپ فورماسىنان ۇلتتىق ەتنيكالىق ەرەكشەلىكتەرى كورىنەدى. وقۋشىلار عانا ەمەس، ستۋدەنتتەر دە ۇلتتىق كيىمدەر كيەدى. ال ستۋدەنت قىزدار ورامال تارتادى.
تايلاند فورماسى
ەڭ ءساندى فورمالاردىڭ ءبىرى بالكىم. تايلاندتىڭ بارلىق وقۋشىلارى مەكتەپ فورماسىن مەكتەپتەن كوللەدجدە وقىعانعا دەيىن كيۋى ءتيىس. ءبىراق، تايلاند ستۋدەنتتەرى دەنەگە جابىسىپ تۇراتىن جەيدە مەن قىسقا ەتەكتى يۋبكا كيۋگە تىرىسادى.
قىتاي فورماسى - سپورتتىق ۇلگىدە
قىتايدىڭ كوپتەگەن مەكتەپتەرىندە مەكتەپ فورماسى تەك مولشەرىمەن عانا ەرەكشەلەنەدى. ەر بالا مەن قىز بالانىڭ مەكتەپ فورماسىندا اسا ءبىر ايىرماشىلىق جوق. ولار سپورتتىق ۇلگىدەگى مەكتەپ فورماسىن كيەدى.
قازاقستان - كلاسسيكالىق ۇلگىدە
ۇل بالالار اق جەيدە، كوستيۋم، جاكەت، قارا تۋفلي، قىزدار جاعى اق جەيدە، جاكەت، قارا نەمەسە سۇر ءتۇستى يۋبكا كيەدى.
