مانحەتتەندەگى جارىلىسقا قاتىستى كۇدىكتىنىڭ ەسىمى جاريالاندى
قالا باسشىسىنىڭ ايتۋىنشا، شابۋىلدىڭ ارتىندا ا ق ش ازاماتتىعىن العان نيۋ- دجەرسي تۇرعىنى، 28 جاستاعى احماد حان راحاني تۇرۋى مۇمكىن.
دە بلازيو كۇدىكتىنىڭ قارۋلى جانە قاۋىپتى بولۋى مۇمكىن ەكەنىن اتاپ ءوتتى. مەر نيۋ-يورك پوليتسيا دەپارتامەنتىنىڭ راحانيدىڭ فوتوسىن جاريالاعانىن، ودان جاۋاپ الۋ ءۇشىن ىزدەۋدە ەكەنىن ايتتى، دەپ حابارلايدى newsru.com.
جاقىندا ABC News ەسىمى اتالماعان دەرەككوزدەرگە سىلتەمە جاساپ، نيۋ-يوركتەگى جارىلىسقا قاتىستى بەس ادامنىڭ ۇستالعانىن حابارلادى. الايدا ف ب ر بۇل اقپاراتتى تەرىسكە شىعاردى.
17- قىركۇيەك كۇنى كەشكە نيۋ-يوركتىڭ ورتالىق اۋدانى مانحەتتەندە جارىلىس بولدى. جارىلعىش زات چەلسي اۋدانىنداعى 6 جانە 7 اۆەنيۋ اراسىنداعى 23-كوشەدە قوقىس جاشىگىنە جاسىرىلعان دەپ حابارلاندى. جارىلىس سالدارىنان 29 ادام زارداپ شەكتى، قازىر ولاردىڭ بارلىعى اۋرۋحانادان شىقتى.
